കുടുംബ പ്രേക്ഷകര്‍ക്കിടയില്‍ രണ്ട ചിത്രങ്ങള്‍ കൊണ്ട് തന്നെ സ്ഥാനം നേടിയ ആളാണ് സംവിധായകന്‍ ജിസ് ജോയ്. സണ്‍ഡേ ഹോളിഡേ, വിജയ് സൂപ്പറും പൗര്‍ണ്ണമിയും എന്നിവയായിരുന്നു അദ്ദേഹത്തിന്റെ ചിത്രങ്ങള്‍. ഇതില്‍ സണ്‍ഡേ ഹോളിഡേ തിയേറ്ററുകളില്‍ 100ദിവസം ഓടിയപ്പോള്‍ വിഎസ്പി സൂപ്പര്‍ഹിറ്റ് ചിത്രമായി മുന്നേറുകയാണ്. സംവിധായകന്റെ അവസാന മൂന്നു ചിത്രങ്ങളും ആസിഫ് അലിയ്‌ക്കൊപ്പമായിരുന്നു. അവസാനം പുതിയ നായകനൊപ്പം എത്താനൊരുങ്ങുകയാണ് സംവിധായകന്‍. കുഞ്ചാക്കോ ബോബനൊപ്പം ഒരു ഫാമിലി സറ്റയര്‍ സിനിമയുമായാണ് സംവിധായകന്‍ ഇനി വരുന്നത്.
ദേശീയ അവാര്‍ഡ് ജേതാക്കളായ ബോബി സഞ്ജയ് ടീമിന്റേതാണ് തിരക്കഥ. കുഞ്ചാക്കോ ബോബനു വേണ്ടി ടീമിന്റെ നാലാമത്തെ തിരക്കഥയാണിത്. മുമ്പ് ട്രാഫിക്, ഹൗ ഓള്‍ഡ് ആര്‍ യു, സ്‌കൂള്‍ ബസ് എന്നീ ചിത്രങ്ങളില്‍ ഇരുവരും ചാക്കോച്ചന് തിരക്കഥ തയ്യാറാക്കിയിരുന്നു.സിദ്ദീഖ്, രഞ്ജി പണിക്കര്‍, കെപിഎസി ലളിത,ശ്രീനിവാസന്‍, മുകേഷ് എന്നിവരും ചിത്രത്തിലുണ്ട്.മെയ് ആദ്യം ചിത്രീകരണം തുടങ്ങാനിരിക്കുകയാണ്. സിനിമയുടെ ഔദ്യോഗിക പ്രഖ്യാപനം ഉടന്‍ ഉണ്ടാവുമെന്നാണ് അറിയുന്നത്.
കുഞ്ചാക്കോ ബോബന്‍ ഒന്നിനുപിറകെ ഒന്നായി ചിത്രങ്ങളുടെ തിരക്കിലാണ്. താരമിപ്പോള്‍ ആഷിഖ് അബു ചിത്രം വൈറസിന്റെ ചിത്രീകരണത്തിലാണ്. ഉടന്‍ തന്നെ താരം സംവിധായകന്‍ ഷഹീദ് ഖാദര്‍, അന്തരിച്ച സംവിധായകന്‍ രാജേഷ് പിള്ളയുടെ അസിസ്റ്റന്റായിരുന്നു, കുടുംബചിത്രം നിത്യ മേനോന്‍ നായികയാകുന്ന സിനിമയുടെ ചിത്രീകരണത്തിലേക്ക് കടക്കും.സൗബിന്‍ ഷഹീര്‍, ജോണ്‍ പോള്‍ ജോര്‍ജ്ജ് ഗപ്പി ഫെയിം എന്നിവരുടെ ചിത്രത്തിലും കുഞ്ചാക്കോ ബോബന്‍ സഹകരിക്കും.
