കുഞ്ചാക്കോ ബോബന്‍ നായകനാകുന്ന ജോണി ജോണി യെസ് അപ്പ തിയേറ്ററുകളിലേക്ക്. സിനിമ യു സര്‍ട്ടിഫിക്കറ്റ് നേടിയിരിക്കുന്നുവെന്നതാണ് പുതിയ റിപ്പോര്‍ട്ടുകള്‍. 143മിനിറ്റ് ദൈര്‍ഘ്യമാണ് സിനിമയ്ക്കുള്ളത്. കഴിഞ്ഞ ദിവസം സിനിമയിലെ ഒരു റൊമാന്റിക് ഗാനം അണിയറക്കാര്‍ റിലീസ് ചെയ്തിരുന്നു. മാര്‍ത്താണ്ഡന്‍ സംവിധാനം ചെയ്യുന്ന സിനിമയുടെ തിരക്കഥ ഒരുക്കിയിരിക്കുന്നത് വെള്ളിമൂങ്ങ ഫെയിം ജോജി തോമസ് ആണ്.
ദൈവത്തിന്റെ സ്വന്തം ക്ലീറ്റസ്, അച്ഛാ ദിന്‍, പാവാട എന്നീ ചിത്രങ്ങളൊരുക്കിയ ആളാണ് സംവിധായകന്‍. ട്രയിലറും പാട്ടുകളും സൂചിപ്പിക്കുന്നതു പോലെ ചിത്രം ഒരു മുഴുനീള എന്റര്‍ടെയ്‌നര്‍ ആയിരിക്കുമെന്നാണ് കരുതുന്നത്.കുടുംബ പ്രേക്ഷകരെ ലക്ഷ്യം വച്ചാണ് സിനിമ ഒരുക്കിയിരിക്കുന്നത്.
അനുസിതാരയാണ് കൂഞ്ചാക്കോയുടെ നായികയാകുന്നത്. മംമ്ത മോഹന്‍ദാസും ഒരു പ്രധാനവേഷത്തിലെത്തുന്നുണ്ട്. വിജയരാഘവന്‍, ഷറഫുദ്ദീന്‍,ടിനി ടോം, കലാഭവന്‍ ഷാജോണ്‍, മാസ്റ്റര്‍ സനൂപ് സന്തോഷ്,അനിഘ, ഗീത എന്നിവരും ചി്ത്രത്തിലുണ്ട്.
വൈശാഖ ഫിലിംസിന്റെ ബാനറില്‍ വൈശാഖ രാജന്‍ ഒരുക്കുന്ന സിനിമ ഒക്ടോബര്‍ 26ന് തിയേറ്ററുകളിലേക്കെത്തുകയാണ്.
