കാളിദാസ് ജയറാം തന്റെ അടുത്ത ചിത്രം ഹാപ്പി സര്‍ദാര്‍ പ്രഖ്യാപിച്ചിരുന്നു. എഴുത്തുകാര്‍-സംവിധായകര്‍ ദമ്പതികളായ സുധീപ് ജോഷിയും ഗീതിക സുധീപും ചേര്‍ന്നാണ് ചിത്രം ഒരുക്കുന്നത്. കാളിദാസ് ചിത്രത്തില്‍ പഞ്ചാബി സര്‍ദാര്‍ജിയായാണ് എത്തുന്നത്. ഹാപ്പി സിംഗ് എന്നാണ് അദ്ദേഹത്തിന്റെ കഥാപാത്രത്തിന്റെ പേര്. കാളിദാസിന്റെ പഞ്ചാബി ലുക്കിലുള്ള പോസ്റ്ററുകള്‍ അണിയറക്കാര്‍ പുറത്തിറക്കി. ദ ഗ്രേറ്റ് ഇന്ത്യന്‍ വെഡ്ഡിംഗ് കോമഡി എന്ന ടാഗ് ലൈനുമായാണ് സിനിമ വരുന്നത്.
അണിയറക്കാരുടെ അഭിപ്രായത്തില്‍ ഹാപ്പി സര്‍ദാര്‍ ഒരു തമാശചിത്രമായിരിക്കും. മലയാളി ക്രിസ്ത്യന്‍ യുവതിയും സര്‍ദാറും തമ്മിലുള്ള പ്രണയമാണ് സിനിമയ്ക്കാധാരം. ബോളിവുഡ് നടന്‍ ജാവേദ് ജെഫ്രി ഒരു പ്രധാന വേഷം ചെയ്യുന്നു. സിദ്ദീഖ്, ശ്രീനാഥ് ഭാസി, ബാലു വര്‍ഗ്ഗീസ്, ശാന്തി കൃഷ്ണ, സുരാജ് വെഞ്ഞാറമൂട്, ആനന്ദം ഫെയിം സിദ്ധി ,വിശാഖ് നായര്‍,രമേഷ് പിഷാരടി, ധര്‍മ്മജന്‍ ബോള്‍ഗാട്ടി, പ്രവീണ, ബൈജു സന്തോഷ് എന്നിവരും ചിത്രത്തിലുണ്ട്.
അഭിനന്ദന്‍ രാമാനുജം സിനിമാറ്റോഗ്രാഫിയും, ഗോപി സുന്ദര്‍ സംഗീതവും നിര്‍വഹിക്കുന്നു. ഷമീര്‍ മുഹമ്മദ് ആണ് എഡിറ്റര്‍. അച്ചിച്ച സിനിമാസും മലയാളം മൂവി മേക്കേഴ്‌സും ചേര്‍ന്ന് ചിത്രം നിര്‍മ്മിക്കുന്നു.
