ലാല്‍ജോസ് സംവിധാനം ചെയ്യുന്ന തട്ടിന്‍പുറത്ത് അച്യുതന്റെ സെറ്റില്‍ കുഞ്ചാക്കോ ബോബനുമെത്തി. എം സിന്ധുരാജ് ആണ് തിരക്കഥ ഒരുക്കിയിരിക്കുന്നത്.
നായികയായി സിനിമയിലെത്തുന്നത് ശ്രാവണയാണ്.ഒരു ഗ്രാമീണകഥയാണ് സിനിമ പറയുന്നത്. തളിപറമ്പ്, കണ്ണൂര്‍ എന്നിവിടങ്ങളിലായാണ് ചിത്രീകരണം. ലാല്‍ജോസ്,സിന്ധുരാജ്,കുഞ്ചാക്കോ ബോബന്‍ കൂട്ടുകെട്ടില്‍ ഒരുങ്ങുന്ന മൂന്നാമത്തെ സിനിമയാകുമിത്. മുമ്പ് എല്‍സമ്മ എന്ന ആണ്‍കുട്ടി, പുള്ളിപുലികളും ആട്ടിന്‍കുട്ടിയും എന്നീ ചിത്രങ്ങളില്‍ മൂവരും ഒന്നിച്ചിരുന്നു.
കുഞ്ചാക്കോ ബോബന്റേതായി രണ്ടു റിലീസുകളുമുണ്ട് - ജി മാര്‍ത്താണ്ഡന്‍ ഒരുക്കിയ ജോണി ജോണി യെസ് അപ്പ, സൗമ്യ സദാനന്ദന്റെ മംഗല്യം തന്തുനാനേന. കൂടാതെ അള്ളു രാമേന്ദ്രന്‍ എന്ന ചിത്രത്തിലും ചാക്കോച്ചനെത്തുന്നു.
