ഷാജി പാപ്പനും സംഘവും മിഥുന്‍ മാനുവല്‍ തോമസിന്റെ ആടുമായി 2019ല്‍ വീണ്ടുമെത്തും. കൊച്ചിയില്‍ വച്ചു നടന്ന ആട് രണ്ടാഭാഗത്തിന്റെ നൂറാംദിനാഘോഷ ചടങ്ങിനിടെയാണ് ആട് മൂന്നാംഭാഗം വരുമെന്ന് പ്രഖ്യാപിച്ചത്.
സിനിമയുടെ മൂന്നാംഭാഗം 2019ല്‍ എത്തുമെന്നും, സിനിമയില്‍ കേന്ദ്രകഥാപാത്രങ്ങള്‍ ഷാജി പാപ്പനും സുഹൃത്തുക്കളും തന്നെയാകും. അവരോടൊപ്പം പുതിയ കഥാപാത്രങ്ങളും ഉണ്ടാകും.സംവിധായകന്‍ പറഞ്ഞു.
മലയാള സിനിമാ ചരിത്രത്തിലാദ്യത്തെ സംഭവമായിരിക്കും ആദ്യഭാഗം പരാജയമായിരുന്ന ചിത്രത്തിന്റെ രണ്ടാംഭാഗം വന്‍വിജയം കൈവരിക്കുന്നത്. അടുത്ത ഭാഗവും ഒരുപാടു ചിരിക്കൂട്ടുകള്‍ നിറഞ്ഞതാകാന്‍ ഞങ്ങള്‍ പരമാവധി ശ്രമിക്കും.
മിഥുന്‍ സംവിധാനം ചെയ്ത ആട് 2015ല്‍ തിയേറ്ററില്‍ വലിയ ഓളമുണ്ടാക്കാതെ കടന്നുപോയി. സിനിമയുടെ ഡിവിഡി റിലീസ് ചെയ്തതിനു ശേഷം മലയാളികള്‍ നല്‍കിയ സ്വീകരണം വളരെയധികമായിരുന്നു.
