ജയരാജ് ഒരുക്കുന്ന ബ്രഹ്മാണ്ഡ ചിത്രത്തിലെ ആദ്യവീഡിയോ ഗാനം പുറത്തിറങ്ങി. കുനാല്‍ കപൂറും ദിവിന്‍ താക്കൂറും അഭിനയിച്ച മേലേ മാണിക്യകല്ലൊളി ചാര്‍ത്തും എന്ന ഗാനം ദൃശ്യഭംഗി കൊണ്ടും ഏറെ ശ്രദ്ധേയമാണ്.
ഗോവ അന്താരാഷ്ട്ര ചലച്ചിത്ര മേളയില്‍ പ്രദര്‍ശിപ്പിച്ച ചിത്രം ഫെബ്രുവരി 24ന് കേരളത്തിലെ തിയേറ്ററുകളിലെത്തും.
ഷേക്‌സ്പിയറിന്റെ മക്ബത്തിനെ പതിമൂന്നാം നൂറ്റാണ്ടിലെ കേരളത്തെയും കൂട്ടിയിണക്കി ജയരാജ് ആണ് വീരം ഒരുക്കുന്നത്. ചന്തു ചേകവര്‍ എന്ന യോദ്ധാവിന്റെ കഥയാണ് വീരം.മലയാളത്തിലെ ഏറ്റവും ചെലവേറിയ ചിത്രമാണിത്. ചിത്രത്തിലെ വീ വില്‍ റൈസ് എന്ന ഗാനം മികച്ച ഗാനത്തിനുള്ള ഓസ്‌കാര്‍ നാമനിര്‍ദ്ദേശം ലഭിച്ചിട്ടുണ്ട്.
ജയരാജിന്റെ നവരസങ്ങളുടെ പരമ്പരയില്‍ സ്നേഹം. ശാന്തം, കരുണം, അത്ഭുതം എന്നിവക്കുശേഷമുള്ള അഞ്ചാമത്തെ ചിത്രമാണ് വീരം. ഷേക്സ്പിയര്‍ നാടകങ്ങളെ ആസ്പദമാക്കി നിര്‍മ്മിക്കുന്ന മൂന്നാമത്തെ ചിത്രം കൂടിയാണിത്.ഹിന്ദി, ഇംഗ്ലീഷ്, മലയാളം, തമിഴ്, തെലുങ്ക് ഭാഷകളിലാണ് ചിത്രം ഇറങ്ങുന്നത്.
ചന്ദ്രകലാ ആര്‍ട്ട്സിന്റെ ബാനറില്‍ ചന്ദ്ര മോഹന്‍ പിള്ളയും പ്രദീപ് രാജനും ചേര്‍ന്നാണ് നിര്‍മിക്കുന്നത്. ആക്ഷന്‍ കൊറിയോഗ്രാഫര്‍ അല്ലെണ പൊപ്ലെറ്റണ്‍, മേക്കപ്പ് ആര്‍ടിസ്റ്റ് ട്രെഫര്‍ പ്രൗഡ്,സംഗീത സംവിധായക ജെഫ് റോണ്‍ വിഷ്വല്‍ എഫക്ട് കമ്പോസറും കളറിസ്റ്റുമായ ജെഫ് ഓം എന്നിവരും ചിത്രത്തിന്റെ അണിയറയില്‍ പങ്കാളികളാകുന്നു.
