ദേശീയഅവാര്‍ഡ് ജേതാവ് ജയരാജ് തന്റെ അടുത്ത സിനിമ നിപ്പ വൈറസിനെ അടിസ്ഥാനമാക്കി ഒരുക്കുന്നു. 16ലേറെ ആളുകളുടെ മരണത്തിനിടയാക്കിയ വൈറസ് മലബാര്‍ മേഖലയെ ഒന്നടങ്കം ഭീതിയിലാഴ്ത്തിയിരുന്നു.
നവരസം പ്രൊജക്ടിന്റെ ഭാഗമായൊരുക്കുന്ന സിനിമയ്ക്ക് രൗദ്രം എന്നാണ് പേരിട്ടിരിക്കുന്നത്. ഈ സീരീസിലെ ഏഴാമത്തെ സിനിമയാണ് രൗദ്രം. ആറാമത്തെയും ഈ സീരീസില്‍ അവസാനം ഇറങ്ങിയതുമായ ഭയാനകം ദേശീയ അവാര്‍ഡ് കരസ്ഥമാക്കിയിരുന്നു.
സിനിമ ഇന്‍ഡസ്ട്രിയിലെ വിവാദങ്ങളെപറ്റി ഉത്കണ്ഠപ്പെടുന്നതിനു പകരം സാമൂഹികവിഷയങ്ങളെ സിനിമയെന്ന മാധ്യമത്തിലൂടെ അവതരിപ്പിക്കാനാണ് ശ്രമിക്കുന്നത്.
നിപ്പ വൈറസിനെപറ്റിയും അത് കോഴിക്കോട് നഗരത്തില്‍ ജനങ്ങളെ ബാധിച്ചതിനെപറ്റിയുമെല്ലാം ഒരുപാടു പഠിച്ചു. ഈ വിഷയം രൗദ്രം എന്ന സിനിമയായി അവതരിപ്പിക്കാനാണ് തീരുമാനം.
സിനിമയെ കുറിച്ച് കൂടുതല്‍ പഠിക്കാനായി കോഴിക്കോട് സന്ദര്‍ശിക്കാനാണ് പ്ലാന്‍.
നവരസം സീരീസിലെ അവസാനചിത്രം ഭയാനകം കഴിഞ്ഞതവണ മൂന്ന് ദേശീയ അവാര്‍ഡുകള്‍ സ്വന്തമാക്കി. മികച്ച സംവിധായകന്‍, മികച്ച തിരക്കഥ, സിനിമാറ്റോഗ്രാഫി,. തകഴിയുടെ കയര്‍ എന്ന നോവലിലെ രണ്ട് അധ്യായങ്ങളായിരുന്നു സിനിമയുടെ അടിസ്ഥാനം.
