സുരഭിലക്ഷ്മിക്ക് ദേശീയഅവാര്‍ഡ് നേടിക്കൊടുത്ത മിന്നാമിനുങ്ങ് ജൂലായ് 21ന് തിയേറ്ററുകളിലെത്തുന്നു.ദേശീയ അവാര്‍ഡ് ഏറ്റുവാങ്ങിയ ശേഷം സുരഭിയാണ് ഇക്കാര്യം പറഞ്ഞത്.
അനില്‍ തോമസ് ആണ് മിന്നാമിനുങ്ങ് സംവിധാനം ചെയ്തിരിക്കുന്നത്. നിലനില്‍പ്പിനായുള്ള ഒരു സ്ത്രീയുടെ ഒറ്റയാള്‍ പോരാട്ടത്തിന്റെ കഥയാണ് സിനിമ.
സിനിമയില്‍ ചെറിയചെറിയ വേഷങ്ങള്‍ ചെയ്തിരുന്ന സുരഭിക്ക് ലഭിച്ച മികച്ച വേഷമായിരുന്നു മിന്നാമിനുങ്ങിലേത്.
സംസ്ഥാനചലച്ചിത്രഅവാര്‍ഡുപ്രഖ്യാപനത്തില്‍ പ്രത്യേക പരമാര്‍ശം കൊണ്ട് തൃപ്തിപ്പെടേണ്ടി വന്നിരുന്നു സുരഭിക്ക്.
ഐശ്വര്യാ റായിയോടായിരുന്നു ദേശീയ പുരസ്‌കാരത്തിനായി സുരഭിക്ക് മത്സരിക്കേണ്ടിവന്നിരുന്നത്. എന്നാല്‍ ചിത്രം തിയേറ്ററിലോ ടെലിവിഷനിലോ വരാത്തതിനാല്‍ മലയാളി പ്രേക്ഷകര്‍ക്ക് സുരഭിയുടെ അഭിനയം കാണാന്‍ കഴിഞ്ഞിരുന്നില്ല.
