നടന്‍ ദിലീപിന്റെ പിറന്നാള്‍ദിനത്തില്‍ അദ്ദേഹത്തിന്റെ 150ാമത്‌ സിനിമയുടെ ഔദ്യോഗികപ്രഖ്യാപനം പോസ്‌റ്റര്‍ റിലീസ്‌ ചെയ്‌തു നടത്തി. പ്രിന്‍സ്‌ ആന്റ്‌ ഫാമിലി എന്‌്‌ പേരിട്ടിരിക്കുന്ന സിനിമയില്‍ ദിലീപിനൊപ്പം സിദ്ദീഖ്‌, ധ്യാന്‍ ശ്രീനിവാസന്‍, ബിന്ദു പണിക്കര്‍,പാര്‍വതി രാജന്‍ ശങ്കരാടി, റോസ്‌ബത്ത്‌ ജോയ്‌ എന്നിവരുമെത്തുന്നു. നവാഗതനായ ബിന്റോ സ്‌റ്റീഫന്‍ സംവിധാനം ചെയ്യുന്ന സിനിമയുടെ തിരക്കഥ ഷാരിസ്‌ മുഹമ്മദ്‌ ഒരുക്കുന്നു. ജനഗണമന, ക്വീന്‍, മലയാളി ഫ്രം ഇന്ത്യ തുടങ്ങിയ ചിത്രങ്ങളിലൂടെ ശ്രദ്ധേയനാണ്‌.
ഫാമിലി എന്റര്‍ടെയ്‌നര്‍ സിനിമയില്‍ മഞ്‌ജുപിള്ള, ജോണി ആന്റണി, അശ്വിന്‍ പി ജോസ്‌, ജോസൂട്ടി ജേക്കബ്‌, വിനീത്‌ തട്ടി ഡേവിഡ്‌, എന്നിവരുമെത്തുന്നു. സിനിമാറ്റോഗ്രാഫര്‍ രണദീവ്‌, എഡിറ്രര്‍ സാഗര്‍ ദാസ്‌, സംഗീതസംവിധായകന്‍ സനല്‍ ദേവ്‌ എന്നിവരാണ്‌ അണിയറയിലെ പ്രമുഖര്‍. ലിസ്റ്റിന്‍ സ്റ്റീഫന്റെ മാജിക്‌ ഫ്രയിംസ്‌ ജസ്റ്റിന്‍ സ്റ്റീഫനുമായി ചേര്‍ന്ന്‌ സിനിമ നിര്‍മ്മിക്കുന്നു.
പുതുമുഖം ധനഞ്‌ജയ്‌ ശങ്കര്‍ ഒരുക്കുന്ന ബാബാബാ ആണ്‌ ദിലീപിന്റെ വരാനിരിക്കുന്ന സിനിമ. നടന്‍ ഫാഹിം സഫര്‍, നൂറിന്‍ ഷരീഫ്‌ എന്നിവര്‍ ചേര്‍ന്ന്‌ തിരക്കഥ ഒരുക്കിയിരിക്കുന്ന സിനിമയില്‍ വിനീത്‌ ശ്രീനിവാസന്‍, ധ്യാന്‍ ശ്രീനിവാസന്‍ എന്നിവരുമുണ്ട്‌.
