കേരളസംസ്ഥാന ചലച്ചിത്ര പുരസ്‌കാരങ്ങള്‍ പ്രഖ്യാപിച്ചു. വിധുവിന്‍സെന്റ് സംവിധാനം ചെയ്ത മാന്‍ഹോള്‍ മികച്ച ചിത്രത്തിനും സംവിധായികയ്ക്കുമുള്ള അവാര്‍ഡുകള്‍ കരസ്ഥമാക്കി. കമ്മട്ടിപ്പാടത്തിനെ അഭിനയത്തിന് വിനായകന്‍ മികച്ച നടനായും അനുരാഗ കരിക്കിന്‍ വെള്ളത്തിലെ എലി എന്ന കഥാപാത്രത്തെ അവിസ്മരണീയമാക്കിയതിന് രജിഷ വിജയന്‍ മികച്ച നടിയായും തിരഞ്ഞെടുക്കപ്പെട്ടു.രജിഷയുടെ ആദ്യ ചിത്രമാണിത്.
മാന്‍ഹോള്‍ ശുചീകരണ തൊഴിലാളികളുടെ കഥ പറഞ്ഞ ചിത്രമാണ്. ഈ ചിത്രത്തിന്റെ തന്നെ സംവിധായിക വിധു വിന്‍സെന്റ് ആണ് മികച്ച സംവിധായിക.മഹേഷിന്റെ പ്രതികാരം ജനപ്രിയ ചിത്രമായി തിരഞ്ഞെടുത്തു. ആഷിക് അബുവാണ് ചിത്രം നിര്‍മ്മിച്ചത്. ഫഹദ് ഫാസിലിനെ നായകനാ്ക്കി ദിലീഷ് പോത്തന്‍ ആണ് ചിത്രം ഒരുക്കിയത്.
കമ്മട്ടിപ്പാടത്തിലെ തന്നെ മണികണ്ഠനാണ് സ്വഭാവ നടന്‍. രാജീവ് രവി സംവിധാനം ചെയ്ത കമ്മട്ടിപ്പാടം ഇദ്ദേഹത്തിന്റെ ആദ്യത്തെ സിനിമയാണ്.ഓലപ്പീപ്പിയിലൂടെ കാഞ്ചന സ്വഭാവ നടിയുമായി. കോലുമിട്ടായി കുട്ടികളുടെ മികച്ച ചിത്രമായി. ഗപ്പിയിലെ അഭിനയത്തിന് ചേതന്‍ ലാലും കൊച്ചൗവ പൗലോ അയ്യപ്പ കൊയ്‌ലോ എന്ന ചിത്രത്തിലൂടെ അഭേനി അദേനിയും മികച്ച ബാലതാരങ്ങളായി.
സംസ്ഥാനചലച്ചിത്ര പുരസ്‌കാരത്തില്‍ സംവിധാനത്തിലുള്ള പുരസ്‌കാരം നേടുന്ന ആദ്യവനിതയും വിധു വിന്‍സെന്റ് ആണ്. തിരുവന്തപുരം അന്താരാഷ്ട്ര ചലച്ചിത്രോത്സവത്തില്‍ മികച്ച മലയാളചിത്രമായി മാന്‍ഹോള്‍ തെരഞ്ഞെടുക്കപ്പെട്ടിരുന്നു. മന്ത്രി എ കെ ബാലനാണ് പുരസ്‌കാരങ്ങള്‍ പ്രഖ്യാപിച്ചത്.
കാംബോജിയിലെ സംഗീതമൊരുക്കിയതിന് എം ജയചന്ദ്രന് മികച്ച സംഗീത സംവിധായകനായി തിരഞ്ഞെടുത്തു. കെ എസ് ചിത്ര മികച്ച ഗായികയും സൂരാജ് സന്തോഷ് ഗായകനായും ഒഎന്‍വി കുറുപ്പ് മികച്ച ഗാനരചയിതാവുമായി.
മറ്റു അവാര്‍ഡുകള്‍
മികച്ച കഥ:സലീം കുമാര്‍(കറുത്ത ജൂതന്‍)
മികച്ച തിരക്കഥ: ശ്യാം പുഷ്‌ക്കരന്‍ (മഹേഷിന്റെ പ്രതികാരം)
മികച്ച പശ്ചാത്തല സംഗീതം:വിഷ്ണു വിജയന്‍
മികച്ച ഛായാഗ്രാഹകന്‍: എം.ജെ രാധാകൃഷ്ണന്‍ ( കാട് പൂക്കുന്ന നേരം) മികച്ച നൃത്തസംവിധാനം: വിനീത് (കാംബോജി)
മികച്ച വസ്ത്രാലങ്കാരം: സ്റ്റെഫി സേവ്യര്‍
മികച്ച നവാഗത സംവിധായകന്‍: ഷാനവാസ് കെ.ബാവക്കുട്ടി(കിസ്മത്ത്) മികച്ച കുട്ടികളുടെ ചിത്രം: ഓലപ്പീപ്പി
പ്രത്യേക പരാമര്‍ശം: സുരഭി(മിന്നാമിന്നി)
