സംസ്ഥാന അവാര്‍ഡ് നേടിയ മാന്‍ഹോളിന്റെ സംവിധായിക സ്ത്രീപക്ഷചിത്രം ഒരുക്കുന്നു. റിമ കല്ലിങ്കലും സുരഭിയും ചിത്രത്തില്‍ പ്രധാന കഥാപാത്രങ്ങളായെത്തുന്നു.
സമൂഹത്തില്‍ സ്ത്രീകള്‍ അനുഭവിക്കുന്ന പ്രശ്‌നങ്ങളാണ് ചിത്രത്തില്‍ മുഖ്യവിഷയമാകുന്നതെന്നാണ് റിപ്പോര്‍ട്ടുകള്‍.ഈ പ്രൊജക്ടിലൂടെ മൂന്ന് അവാര്‍ഡ് ജേതാക്കള്‍ ഒരുമിക്കുകയാണ് എന്നതാണ് പ്രത്യേകത.
മിന്നാമിനുങ്ങ് എന്ന ചിത്രത്തിലൂടെ 2016ല്‍ മികച്ച നടിക്കുള്ള ദേശീയ അവാര്‍ഡ് കരസ്ഥമാക്കിയ സുരഭിയും 2013ല്‍ 22 ഫീമെയില്‍ കോട്ടയം, നിദ്ര എന്നീ ചിത്രങ്ങളിലൂടെ മികച്ച അഭിനേത്രിക്കുള്ള സംസ്ഥാന അവാര്‍ഡ് കരസ്ഥമാക്കിയ റിമ കല്ലിങ്കലും ആണ് പോയ വര്‍ഷത്തെ മികച്ച സംവിധായികയ്ക്കുള്ള സംസ്ഥാന അവാര്‍ഡ് കരസ്ഥമാക്കിയ വിധു വിന്‍സന്റിന്റെ ചിത്രത്തിലൂടെ ഒന്നിക്കുന്നത്.
