സിദാര്‍ത്ഥ് ഭരതന്റെ സംവിധാനത്തില്‍ ഇറങ്ങുന്ന കുഞ്ചാക്കോ ബോബന്‍ നായകനാകുന്ന ചിത്രം വര്‍ണ്ണ്യത്തില്‍ ആശങ്ക ഓഡിയോ ഗാനം റിലീസ് ചെയ്തു. പ്രശാന്ത് പിള്ളയാണ് സംഗീതം ചെയ്തിരിക്കുന്നത്.
കള്ളാദികള്ളന്‍ എന്നു തുടങ്ങുന്ന വരികള്‍ എഴുതിയിരിക്കുന്നത് സന്തോഷ് വര്‍മ്മയാണ്. സന്തോഷ് വര്‍മ്മയും ശ്രീകുമാര്‍ വക്കിയിലും ചേര്‍ന്ന് ആലപിച്ചിരിക്കുന്നു.
മുമ്പൊന്നും ചെയ്തിട്ടില്ലാത്ത തരത്തിലുള്ള കഥാപാത്രമായാണ് ചിത്രത്തില്‍ കുഞ്ചാക്കോ എത്തുന്നത്. കാവട്ട ശിവന്‍ എന്ന കള്ളനാണ് കുഞ്ചാക്കോ ചിത്രത്തില്‍. നീണ്ട താടിയും മറ്റുമുള്ള റഫ് ലുക്കാണ് കുഞ്ചാക്കോയ്ക്ക് ചിത്രത്തില്‍.
ഇപ്പോഴത്തെ രാഷ്ട്രീയവും ജീവിതവുമെല്ലാം ചര്‍ച്ച ചെയ്യുന്ന ഒരു സറ്റയര്‍ ടൈപ്പ് മൂവിയായിരിക്കുമിത്. ആസിഫ് അലി, ചെമ്പന്‍ വിനോദ്, ഷൈന്‍ ടോം ചാക്കോ എന്നിവരും മുഖ്യ കഥാപാത്രങ്ങളാകുന്നു.
