അനൂപ് മേനോന്റെ എന്റെ മെഴുതിരി അത്താഴങ്ങള്‍ , നീണ്ട നാളത്തെ ഇടവേളയ്ക്ക് ശേഷം താരം തന്നെ തിരക്കഥ ഒരുക്കുന്ന സിനിമ എന്നതിനാല്‍ തന്നെ ഏറെ പ്രേക്ഷകശ്രദ്ധ നേടിയിരുന്നു. മുമ്പ് ബ്യൂട്ടിഫുള്‍, ട്രിവാന്‍ഡ്രം ലോഡ്ജ് എന്നീ സിനിമകള്‍ക്ക് അനൂപ് മേനോന്‍ തിരക്കഥ ഒരുക്കിയിരുന്നു.
എന്റെ മെഴുതിരി അത്താഴങ്ങള്‍ ഒരു പ്രണയകഥയാണ്. പ്രണയചിത്രത്തിലെ നായികയാകുന്നത് മിയ ജോര്‍ജ്ജ് ആണ്.
ജൂലൈ 27ന് ചിത്രം തിയേറ്ററുകളിലേക്ക് എത്തുമെന്നാണ് അനൂപ് മേനോന്റെ സോഷ്യല്‍ പോസ്റ്റുകള്‍ വ്യക്തമാക്കുന്നത്.
സിനിമയുടെ മറ്റൊരു പ്രത്യേകത മലയാളസിനിമയിലെ കഴിവുറ്റ പല സംവിധായകരും അഭിനേതാക്കളായി ഈ ചിത്രത്തിലെത്തുന്നുണ്ട് എന്നതാണ്. ശ്യാമപ്രസാദ്, ലാല്‍ജോസ്, ദിലീഷ് പോത്തന്‍, തുടങ്ങിയവര്‍.ഇവരുടെ കഥാപാത്രങ്ങളുടെ പോസ്റ്ററുകള്‍ സോഷ്യല്‍ മീഡിയയിലൂടെ അവതരിപ്പിച്ചിരുന്നു.
