പൃഥ്വിരാജ് സംവിധാനം ചെയ്യുന്ന ലൂസിഫര്‍ താരത്തിന്റെ തിരക്ക് വര്‍ധിപ്പിച്ചിരിക്കുകയാണ്. ലൂസിഫറിനുപുറമെ ഒരുപിടി ചിത്രങ്ങളില്‍ പൃഥ്വി അഭിനേതാവുകുന്നുണ്ട്.
അതില്‍ ആദ്യം വരുന്നത് ലാല്‍ സംവിധാനം ചെയ്യുന്ന ഡ്രൈവിംഗ് ലൈസന്‍സ് ആണ്. പൃഥ്വിരാജും സുരാജ് വെഞ്ഞാറമൂടും ആണ് ചിത്രത്തില്‍ ഉള്ളത്. സച്ചിയുടേതാണ് തിരക്കഥ. ഫേസ്ബുക്കിലൂടെ നടത്തിയ ചാറ്റില്‍ താരം പറഞ്ഞത് ഒരു എന്റര്‍ടെയ്ന്‍മെന്റ് സിനിമയാണിതെന്നാണ്. ഒരുപാടു ചിരിക്കാനുള്ള മുഹൂര്‍ത്തങ്ങള്‍ ചിത്രത്തിലുണ്ടാവുമെന്നും.
പൃഥ്വിരാജ് കലാഭവന്‍ ഷാജോണ്‍ സംവിധാനം ചെയ്യുന്ന ബ്രദേഴ്‌സ് ഡേ, ബ്ലെസിയുടെ ആടു ജീവിതം എന്നീ ചിത്രങ്ങളുടേയും ഭാഗമാണ്.
