എന്നു നിന്റെ മൊയ്തീനുശേഷം പൃഥ്വിയും പാര്‍വ്വതിയും വീണ്ടും ഒന്നിക്കുന്ന അഞ്ജലിമേനോന്‍ ചിത്രം ഊട്ടിയില്‍ ചിത്രീകരണം നവംബര്‍ ഒന്നിന് ആരംഭിക്കും.
ഇതുവരെ പേരിട്ടിട്ടില്ലാത്ത ചിത്രത്തില്‍ എന്നു നിന്റെ മൊയ്തീനില്‍ നിന്നും തീര്‍ത്തും വ്യത്യസ്തമായ വേഷത്തിലാണ് പാര്‍വ്വതി ഈ ചിത്രത്തിലെത്തുക.
ചിത്രത്തിന്റെ തിരക്കഥയും സംവിധാനവും അഞ്ജലി മേനോന്‍ തന്നെയാണ്. പ്രണയചിത്രമാണിത്. റോഷിണി ദിനകര്‍ ഒരുക്കുന്ന മൈ സ്‌റ്റോറിയിലും പാര്‍വ്വതിയും പൃഥ്വിയും ഒന്നിക്കുന്നുണ്ട്. ചിത്രം അവസാന ഘട്ട ചിത്രീകരണത്തിലാണ്.
പാര്‍വ്വതി തന്റെ ആദ്യ ബോളിവുഡ് ചിത്രത്തിന്റെ റിലീസ് കാത്തിരിക്കുകയാണ്.ഇര്‍ഫാന്‍ ഖാന്‍ ആണ് ചിത്രത്തിലെ നായകന്‍.
