ജയസൂര്യ രഞ്ജിത് ശങ്കര്‍ ടീമിന്റെ ഹൊറര്‍ കോമഡി ചിത്രം പ്രേതം സിനിമയുടെ സ്വീകല്‍ പ്രേതം 2വിന്റെ ചിത്രീകരണം ആരംഭിച്ചു.നായകവേഷം ചെയ്യുന്നത് ജയസൂര്യ തന്നെയാണ്. നായികാവേഷത്തില്‍ സാനിയ അയ്യപ്പന്‍, ദുര്‍ഗ കൃ്ഷ്ണ എന്നിവരെത്തുന്നു.
ക്രിസ്തുമസിന് ചിത്രം തിയേറ്ററിലേക്കെത്തുമെന്നാണ് അറിയുന്നത്.
2016ലാണ് പ്രേതം ഒന്നാംഭാഗം റിലീസ് ചെയ്തത്. മൂന്നു യുവാക്കളുടെ ജീവിതവും അവരുടെ അടുത്തെത്തുന്ന മെന്റലിസ്റ്റ് ജോണ്‍ ഡോണ്‍ ബോസ്‌കോയുമായിരുന്നു പ്രധാന കഥാപാത്രങ്ങള്‍.
ആദ്യഭാഗത്തിന്റെ തുടര്‍ച്ചയാകില്ല സിനിമ എന്ന് സംവിധായകന്‍ ആദ്യമേ പറഞ്ഞിരുന്നു. മെന്റലിസ്റ്റ് ജോണ്‍ ഡോണ്‍ ബോസ്‌കോയുടെ ജീവിതത്തിലെ മറ്റൊരു എപ്പിസോഡായിരിക്കും ചിത്രം.
