അടുത്തിടെ റിലീസ് ചെയ്ത ഒടിയനിലെ ഗാനം 'ഏനൊരുവന്‍' യൂട്യൂബില്‍ ടോപ്പ് റാങ്കിംഗോടെ മുന്നേറുകയാണ്. ഒരു ദിവസം കഴിയുംമുമ്പേ തന്നെ പാട്ട് ട്രന്റിംഗായി തീര്‍ന്നിരിക്കുന്നു.പാട്ടിന്റെ ഏറ്റവും വലിയ പ്രത്യേകത എന്നത് പാട്ട് പാടിയിരിക്കുന്ന മോഹന്‍ലാല്‍ ആണെന്നതാണ്. പാട്ടിന്റെ ലിറിക്കല്‍ വീഡിയോയാണ് അണിയറക്കാര്‍ ഇപ്പോള്‍ റിലീസ് ചെയ്തിരിക്കുന്നത്. സിനിമയില്‍ നിന്നുമുള്ള ചില രംഗങ്ങളും റെക്കോര്‍ഡിംഗ് സ്റ്റുഡിയോയും മറ്റുമാണ് ഗാനരംഗത്തുള്ളത്.
പാട്ടിന്റെ വരികള്‍ തയ്യാറാക്കിയിരിക്കുന്നത് പ്രഭവര്‍മ്മയാണ്. എം ജയചന്ദ്രന്റേതാണ് സംഗീതം. മോഹന്‍ലാല്‍ നായകനാകുന്ന ഫാന്റസി ത്രില്ലര്‍ സിനിമ സംവിധാനം ചെയ്തിരിക്കുന്നത് വിഎ ശ്രീകുമാര്‍ മേനോന്‍ ആണ്. ഒടിയന്‍ എന്ന കേരളനാടന്‍ കഥയാണ് സിനിമ പറയുന്നത്. സിനിമയില്‍ ഒടിയന്‍ മാണിക്യന്‍ എന്ന കഥാപാത്രത്തെയാണ് മോഹന്‍ലാല്‍ അവതരിപ്പിക്കുന്നത്. ആശിര്‍വാദ് പ്രൊഡക്ഷന്‍സ് ആണ് സിനിമ നിര്‍മ്മിച്ചിരിക്കുന്നത്. പ്രകാശ് രാജ്, മഞ്ജു വാര്യര്‍ എന്നിവര്‍ ചിത്രത്തില്‍ പ്രധാനവേഷത്തിലെത്തുന്നു.
സിനിമയുടെ ആദ്യ മോഷന്‍ പോസ്റ്റര്‍ റിലീസ് ചെയ്തതുമുതല്‍ക്കെ ഏവരും പ്രതീക്ഷയോടെ കാത്തിരിക്കുന്ന സിനിമയായി മാറി ഒടിയന്‍.
