മോഹന്‍ലാല്‍ നായകനാകുന്ന ഒടിയന്‍ റിലീസിംഗിനൊരുങ്ങുകയാണ്. അണിയറക്കാര്‍ പുതിയ പോസ്റ്ററുകള്‍ പുറത്തിറക്കിയിരിക്കുകയാണ് ഇപ്പോള്‍.പോസ്റ്ററുകളില്‍ മോഹന്‍ലാലിന്റെ യൗവനവും പ്രായമായ രൂപവുമാണുള്ളത്.
ഈ വര്‍ഷത്തെ ഏറെ ആകാംക്ഷയോടെ പ്രേക്ഷകര്‍ കാത്തിരിക്കുന്ന ചിത്രമാണ് ഒടിയന്‍. ട്രയിലര്‍ കുറച്ച് ദിവസങ്ങള്‍ക്ക് മുമ്പ് മോഹന്‍ലാല്‍ റിലീസ് ചെയ്തിരുന്നു. 1.28 മിനിറ്റ് ദൈര്‍ഘ്യമുള്ള ട്രയിലറില്‍ ആരാധകരെ ആവേശത്തിലാക്കുന്നതിനുള്ളവയെല്ലാം ഉണ്ടായിരുന്നു. മോഹന്‍ലാല്‍ കഥാപാത്രത്തിന്റെ ചെറുപ്പവും മറ്റും. മോഹന്‍ലാലിനെ കൂടാതെ പ്രകാശ് രാജ്, നരേന്‍, ഇന്നസെന്റ്, മഞ്ജു വാര്യര്‍ എന്നിവരെയും ട്രയിലറില്‍ കാണിച്ചിരുന്നു.
പരസ്യസംവിധായകന്‍ വിഎ ശ്രീകുമാര്‍ മേനോന്റെ ആദ്യ സിനിമ സംവിധാനംമാണ് ഒടിയന്‍. കഴിഞ്ഞ വര്‍ഷം അവസാനമാണ് സിനിമയുടെ ചിത്രീകരണം ആരംഭിച്ചത്. ഫാന്റസി ത്രില്ലര്‍ ചിത്രമാണിത്. വെള്ളിത്തിരയിലേക്ക് എത്താന്‍ വൈകുന്നതിന് കാരണം പോസ്റ്റ് പ്രൊഡക്ഷന്‍ വര്‍ക്കുകള്‍ പൂര്‍ത്തിയാകാനുണ്ട്.
മഞ്ജു വാര്യര്‍ ആണ് നായികവേഷം ചെയ്യുന്നത്. ഇന്നസെന്റ്, സിദ്ദീഖ്, മനോജ് ജോഷി, നന്ദു, നരേന്‍, കൈലാഷ്, ശ്രീജയ നായര്‍, സന അല്‍ത്താഫ്, അപ്പാനി ശരത് എന്നിവരും സിനിമയിലുണ്ട്. ദേശീയ അവാര്‍ഡ് ജേതാവ് കെ ഹരി കൃഷ്ണനാണ് സിനിമയുടെ തിരക്കഥ എഴുതിയിരിക്കുന്നത്.
സൗണ്ട് ട്രാക്ക് ചെയ്യുന്നത് എം ജയചന്ദ്രനും ബാക്ക്ഗ്രൗണ്ട് ശ്യാം സിഎസുമാണ് ഒരുക്കിയിരിക്കുന്നത്. ഷാജി കുമാര്‍ സിനിമാറ്റോഗ്രാഫറും ജോണ്‍ കുട്ടി എഡിറ്ററുമാണ്. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് സിനിമ നിര്‍മ്മിക്കുന്നത്.
ഒടിയന്‍ സിനിമയുടെ അണിയറക്കാര്‍ പ്രൊമോഷന്റെ ഭാഗമായി പ്രൊമോഷണല്‍ വീഡിയോ കൊണ്ടസ്റ്റ് നടത്തുന്നുണ്ട്.
ഒടിയനു പുറമെ മോഹന്‍ലാലിന്റെതായി പൃഥ്വിരാജ് സംവിധാനം ചെയ്യുന്ന ലൂസിഫര്‍ ഏപ്രില് 9ന് റിലീസ് ചെയ്യുമെന്നാണ് റിപ്പോര്‍ട്ടുകള്‍. മോഹന്‍ലാല്‍ അടുത്തതായി മരക്കാര്‍: അറബിക്കടലിന്റെ സിംഹം എന്ന ചിത്രത്തിന്റെ ഭാഗമാകും. പ്രിയദര്‍ശന്‍ സംവിധാനം ചെയ്യുന്ന സിനിമ ഡിസംബര്‍ 1ന് ചിത്രീകരണം തുടങ്ങാനിരിക്കുകയാണ്. രഞ്ജിത് സംവിധാനം ചെയ്ത ഡ്രാമ റിലീസ് ചെയ്യാനൊരുങ്ങുകയാണ്.
