പ്രേക്ഷകരുടെ ആകാംക്ഷയും ആവേശവും ഒന്നുകൂടെ വര്‍ധിപ്പിക്കാനായി ഒടിയന്‍ പോസ്റ്ററെത്തി.
ശ്രീകുമാര്‍മേനോന്‍ സംവിധാനം ചെയ്യുന്ന ചിത്രത്തില്‍ മോഹന്‍ലാല്‍ വിവിധ മേക്കോവറിലാണ് എത്തുന്നത്. പ്രകാശ് രാജ് രാവുണ്ണി എന്ന പ്രതിനായകനായും മഞ്ജുവാര്യര്‍ പ്രഭ എന്ന നായികാവേഷത്തിലുമെത്തുന്നു ചിത്രത്തില്‍. ഇവരെകൂടാതെ സിദ്ദീഖ്,ഇന്നസെന്റ്, മനോജ് ജോഷി, നന്ദു, നരേന്‍,കൈലാഷ്, ശ്രീജയ,സന എന്നിവരും ചിത്രത്തിലുണ്ട്.പുലിമുരുകന് ശേഷം പീറ്റര്‍ ഹെയന്‍ ആക്ഷന്‍ കൊറിയോഗ്രാഫി ചെയ്യുന്ന മലയാളചിത്രം കൂടിയാണ് ഒടിയന്‍.ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂര്‍ ആണ് സിനിമ നിര്‍മ്മിക്കുന്നത്.
ദേശീയഅവാര്‍ഡ് ജേതാവ് ഹരികൃഷ്ണന്‍ ആണ് ചിത്രത്തിന്റെ തിരക്കഥ ഒരുക്കിയിരിക്കുന്നത്. ബിഗ് ബഡ്ജറ്റില്‍ ഒരുക്കുന്ന ചിത്രം ഒക്ടോബറില്‍ എത്തുമെന്ന പറഞ്ഞിരുന്നുവെങ്കിലും കേരളപ്രളയത്തോടെ മറ്റു മലയാളസിനിമകളുടെ റിലീസ് തീയ്യതി മാറ്റി വച്ചതിനാല്‍ കായംകുളം കൊച്ചുണ്ണി ഈ സമയം റിലീസ് നിശ്ചയിച്ചിരിക്കുന്നതിനാലും ഒടിയന്‍ ഡിസംബര്‍ രണ്ടാംവാരം റിലീസ് മാറ്റി നിശ്ചയിച്ചിരിക്കുകയാണ് ഇപ്പോള്‍.
