മോഹന്‍ലാല്‍ യൂറോപ്യന്‍ വെക്കേഷനുശേഷം മുംബൈയില്‍ ലൂസിഫര്‍ ടീമിനൊപ്പം ചേര്‍ന്നു. മുംബൈ ഷെഡ്യൂള്‍ മോഹന്‍ലാല്‍ എത്താതെ തന്നെ ആഴ്ചകള്‍ക്ക് മുമ്പ് തുടങ്ങിയിരുന്നു. റിപ്പോര്‍ട്ടുകളനുസരിച്ച് മുംബൈയിലെ ഷൂട്ടിംഗ് അവസാനഷെഡ്യൂള്‍ ആണ്. ഇനി സിനിമ പോസ്റ്റ് പ്രൊഡക്ഷന്‍ വര്‍ക്കിലേക്ക് എത്തുകയാണ്.
സിനിമയുടെ സംവിധായകന്‍ പൃഥ്വിരാജ് ഫേസ്ബുക്ക് ചാറ്റില്‍ പറഞ്ഞത്, മുംബൈ മുമ്പ് നമ്മള്‍ സിനിമകളില്‍ കണ്ടിരുന്നതുപോലെയാവില്ല ലൂസിഫറില്‍. പ്രധാന ഷെഡ്യൂള്‍ ആണ് മുംബൈയിലേത്. രാഷ്ട്രീയ സിനിമയല്ല ലൂസിഫര്‍, എന്നാല്‍ ബാക്ക്ഗ്രൗണ്ടില്‍ രാഷ്ട്രീയവും ഉണ്ട് സിനിമയില്‍ എന്നാണ് സംവിധായകന്‍ പറഞ്ഞത്.
ടൊവിനോ തോമസ്, ഇന്ദ്രജിത്, വിവേക് ഒബ്‌റോയ്, മഞ്ജു വാര്യര്‍, മംമ്ത മോഹന്‍ദാസ്, നൈല ഉഷ എന്നിങ്ങനെ നീണ്ട താരനിര തന്നെ സിനിമയുടെ ഭാഗമാകുന്നു.
