ഡിസ്‌നി എല്ലാവരും ആകാംക്ഷയോടെ കാത്തിരിക്കുന്ന ഇന്‍ക്രഡിബിള്‍ 2 ആദ്യ ട്രയിലര്‍ പുറത്തിറക്കി. വിന്റര്‍ ഒളിമ്പിക്‌സ് ബ്രോഡ്കാസ്റ്റിംഗിനിടയിലാണ് 1മിനിറ്റ് 30 സെക്കന്റ് ദൈര്‍ഘ്യമുള്ള ഇന്‍ക്രഡിബിള്‍ 2 ട്രയിലര്‍ ബുധനാഴ്ച രാത്രി റിലീസ് ചെയ്തത്.
ട്രയിലറില്‍ പാര്‍സിന്റെ സാധാരണ ജീവിതമാണ് കാണിക്കുന്നത്. കുടുംബാംഗങ്ങള്‍ക്കെല്ലാം സൂപ്പര്‍പവര്‍ ലഭിച്ചിരിക്കുന്നു. സൂപ്പര്‍ഹീറോകള്‍ വീട്ടിനുള്ളില്‍.
ട്രയിലറില്‍ മിസ്റ്റര്‍ ഇന്‍ക്രഡിബിള്‍ വീട്ടുജോലിയും മക്കളെ പരിപാലിക്കലുമായി പോരാടുമ്പോള്‍ ഇലാസ്റ്റിഗിര്‍ ലോകരക്ഷയ്ക്കായി ഇറങ്ങുകയാണ്.
പാര്‍സിന്റെ ജീവിതമാണ് സിനിമ, സൂപ്പര്‍പവറിനാല്‍ അനുഗ്രഹീതമായ കുടുംബം. ഇന്‍ക്രഡിബിള്‍ സീരീസിലെ ആദ്യസിനിമ 2004ലായിരുന്നു ഇറങ്ങിയത്. വീഡിയോയിലെ വലിയൊരു ഭാഗം കുടുംബത്തിലെ ഏറ്റവും പുതിയ അംഗമായ ജാക്ക്-ജാക്കിനെ പറ്റിയാണ്.
കഴിഞ്ഞവര്‍ഷം നവംബറില്‍ സിനിമയുടെ ടീസര്‍ പുറത്തുവിട്ടിരുന്നു, അതില്‍ ജാക്ക്-ജാക്കിന് ചില അറിയപ്പെടാത്ത സൂപ്പര്‍ പവര്‍ ലഭിച്ചത് അവന്‍ പുറത്തെടുക്കുന്നതാണുണ്ടായിരുന്നത്. പുതിയ ട്രയിലറില്‍ അവന്‍ സൂപ്പര്‍മാനായി മാറുകയാണ്.
ഡിസ്‌നി പിക്‌സര്‍ ഒരുക്കുന്ന ആനിമേഷന്‍ സിനിമ ജൂണ്‍ 15ന് റിലീസ് ചെയ്യാനിരിക്കുകയാണ്.
