വിഷുവിന് തിയേറ്ററുകളിലെത്താനിരിക്കുന്ന സഖാവിന്റെ ട്രയിലര്‍ പുറത്തിറങ്ങി.സിദ്ധാര്‍ത്ഥ് ശിവയുടെ സംവിധാനത്തില്‍ പുറത്തിറങ്ങുന്ന നിവിന്‍ പോളി ചിത്രം സഖാവിന്റ ട്രയിലര്‍ നായകന്‍ തന്നെയാണ് പുറത്തിറക്കിയത്.ഒരു വര്‍ഷത്തെ കാത്തിരിപ്പിന് ശേഷമാണ് ചിത്രം തിയേറ്ററിലെത്തുന്നത്.
എന്റര്‍ടെയിനര്‍ ആയി ഒരുക്കിയിരിക്കുന്ന സിനിമയില്‍ നിവിന്‍ രണ്ടു ഗെറ്റപ്പിലെത്തുന്നു. ട്രെയിലറില്‍ ആശുപത്രിയിലെ രംഗങ്ങളാണ് കാണിക്കുന്നത്. ഗായത്രി സുരേഷ്, അപര്‍ണ്ണ ഗോപിനാഥ്, ശ്രീനിവാസന്‍,അല്‍ത്താഫ് എന്നിവര്‍ക്കൊപ്പം.
കൃഷ്ണകുമാര്‍ എന്ന യുവരാഷ്ട്രീയക്കാരനായും കൃഷ്ണന്‍ എന്ന പഴയ സഖാവായും നിവിന്‍ സിനിമയിലെത്തുന്നു. നിവിന്റെ ആദ്യഇരട്ട വേഷവുമാണിത്. ട്രെയിലറിന്‍ മികച്ച സ്വീകരണമാണ് ലഭിച്ചിരിക്കുന്നത്. കഴിഞ്ഞ വര്‍ഷത്തെ വിഷു റിലീസായിരുന്ന ജേക്കബിന്റെ സ്വര്‍ഗ്ഗരാജ്യമാണ് നിവിന്റെ അവസാനം റിലീസ് ചെയ്ത സിനിമ. നീണ്ട ഒരു വര്‍ഷത്തെ കാത്തിരിപ്പിനു ശേഷമാണ് ഇപ്പോള്‍ സഖാവ് ഇറങ്ങാന്‍ പോകുന്നത്.
കൊച്ചൗവ പൗലോ അയ്യപ്പ കൊയ്‌ലോ എന്ന കുഞ്ചാക്കോ ചിത്രത്തിനു ശേഷം സിദ്ധാര്‍ത്ഥ് ശിവ ഒരുക്കുന്ന ചിത്രമാണ് സഖാവ്. അദ്ദേഹത്തിന്റെ നാലാമത്തെ ചിത്രമാണിത്. ആദ്യ രണ്ടെണ്ണവും ദേശീയപുരസ്‌കാരങ്ങള്‍ നേടിയിരുന്നു.
തമിഴ് നടി ഐശ്വര്യ രാജേഷ്, ഗായത്രി സുരേഷ്, അപര്‍ണ്ണ ഗോപിനാഥ്, എന്നിവര്‍ക്കൊപ്പം കുതിരവട്ടം പപ്പുവിന്റെ മകന്‍ ബിനു ,ശ്രീനിവാസന്‍, മണിയന്‍പിള്ള രാജു, ജോജു ജോര്‍ജജ് എന്നിവരും ചിത്രത്തില്‍ പ്രധാനവേഷത്തില്‍ എത്തുന്നു.
യൂണിവേഴ്‌സല്‍ സിനിമയുടെ ബാനറില്‍ ബി രാഗേഷാണ് ചിത്രം നിര്‍മ്മിക്കുന്നത്.
