രമേഷ് പിഷാരടിയുടെ ആദ്യ സംവിധാന സംരംഭം പഞ്ചവര്‍ണ്ണതത്ത ജയറാം, കുഞ്ചാക്കോ ബോബന്‍, അനുശ്രീ എന്നിവര്‍ പ്രധാനവേഷങ്ങളിലെത്തുന്ന സിനിമ അടുത്തുതന്നെ തിയേറ്ററുകളിലേക്കെത്തും.
സിനിമയുടെ ഒഫീഷ്യല്‍ ട്രയിലറില്‍ നിന്നും കോമഡിചിത്രമാണിതെന്ന് മനസ്സിലാക്കാം. ജയറാം വ്യത്യസ്ത വേഷത്തിലെത്തുന്നു ചിത്രത്തില്‍. സിനിമയിലെ ആദ്യ ഗാനം പഞ്ചവര്‍ണ്ണ തത്ത പറന്നേ എന്നു തുടങ്ങുന്നത് പാടിയിരിക്കുന്നത് ഹരിചരണും ജ്യോത്സനയും ചേര്‍ന്നാണ്. ഒരു പിറന്നാളഘോഷത്തിനിടെയുള്ള പാട്ടാണിത്. അനുശ്രീ, കുഞ്ചാക്കോ ബോബന്‍, മണിയന്‍പിള്ള രാജു, അശോകന്‍ എന്നിവരെല്ലാം രംഗത്തുണ്ട്.
സന്തോഷ് വര്‍മ്മയാണ് ഗാനം എഴുതിയിരിക്കുന്നത്. നര്‍മ്മത്തിന് പ്രാധാന്യം നല്‍കി എടുത്തിരിക്കുന്ന ചിത്രത്തിന് കഥ എഴുതിയിരിക്കുന്നത് രമേഷ് പിഷാരടിയും ഹരി പി നായരും ചേര്‍ന്നാണ്.
നാദിര്‍ഷയും എം ജയചന്ദ്രനും സിനിമയ്ക്ക് സംഗീതം ഒരുക്കിയിരിക്കുന്നു. സപ്തതരംഗ് സിനിമയുടെ ബാനറില്‍ മണിയന്‍ പിള്ള രാജുവാണ് ചിത്രം നിര്‍മ്മിച്ചിരിക്കുന്നത്. ഔസേപ്പച്ചന്റേതാണ് പശ്ചാത്തല സംഗീതം. മനോരമ മ്യൂസിക് ആണ് ഗാനം ഇറക്കിയിരിക്കുന്നത്.
