ജയസൂര്യയുടെ ഞാന്‍ മേരിക്കുട്ടി എന്ന ചിത്രത്തിലെ രണ്ടാമത്തെ ഗാനവും ഇറങ്ങി. സിനിമയിലെ ആദ്യ ഗാനം 'ദൂരെ ദൂരെ' കുറച്ച് ദിവസങ്ങള്‍ മുന്നേ ഇറങ്ങിയിരുന്നു. ട്രാന്‍സ്‌ജെന്റര്‍ ആയിട്ടുള്ള ഒരു വ്യക്തിയുടെ ജീവിതത്തിലെ പ്രതീക്ഷകളെയും അവരുടെ ജീവിതവും കാണിക്കുന്നതായിരുന്നു ഗാനരംഗങ്ങള്‍.
സന്തോഷ് വര്‍മ്മയുടെതാണ് വരികള്‍, സിതാര കൃഷ്ണകുമാര്‍ ആലപിച്ചിരിക്കുന്ന ഗാനം മനോരമ മ്യൂസിക് ആണ് പുറത്തിറക്കിയിരിക്കുന്നത്. രഞ്ജിത് ശങ്കര്‍ സംവിധാനം ചെയ്ത സിനിമ രഞ്ജിത് ശങ്കറും ജയസൂര്യയും ചേര്‍ന്ന് ഡ്രീംസ് എന്‍ ബിയോണ്ടിന്റെ ബാനറിലാണ് നിര്‍മ്മിച്ചിരിക്കുന്നത്.
ആനന്ദ് മധുസൂദനന്‍ ആണ് സിനിമയിലെ ഗാനങ്ങള്‍ ഒരുക്കിയിരിക്കുന്നത്. ജൂണ്‍ 15ന് ചിത്രം തിയേറ്ററുകളിലെത്തും.
