മണിരത്‌നത്തിന്റെ മള്‍ട്ടിസ്റ്റാര്‍ ചിത്രം ചെക്ക ചിവന്ത വാനം റിലീസിംഗ് തീയ്യതി പ്രഖ്യാപിച്ചു. വിജയ് സേതുപതി, ജ്യോതിക, ചിമ്പു, അരുണ്‍ വിജയ്, അരവിന്ദ് സ്വാമി, ഐശ്വര്യ രാജേഷ്, എന്നിവര്‍ പ്രധാനവേഷങ്ങളിലെത്തുന്ന ചിത്രം സെപ്തംബര്‍ 28ന് തിയേറ്ററുകളിലേക്കെത്തുമെന്ന് ചിത്രത്തിന്റെ കോ പ്രൊഡ്യൂസര്‍ ലിക പ്രൊഡക്ഷന്‍സ് പ്രഖ്യാപിച്ചു.
അവരുടെ ഒഫീഷ്യല്‍ ട്വിറ്റര്‍ പേജിലൂടെയാണ് തീയ്യതി പ്രഖ്യാപിച്ചിരിക്കുന്നത്. ലോകത്തൊന്നാകെ ചെക്ക ചിവന്ത വാനം സെപ്തംബര്‍ 28ന് റിലീസ് ചെയ്യുന്നുവെന്നാണ് ട്വീറ്റ്. സിനിമയുടെ ഭാഗമായുള്ള ഏല്ലാ താരങ്ങളേയും ട്വീറ്റില്‍ ടാഗ് ചെയ്തിട്ടുണ്ട്. ദയാന, പ്രകാശ് രാജ്, അവസാനമായി അതിഥി റാവു ഹൈദാരി എന്നിവരെയെല്ലാം.
അരവിന്ദ് സ്വാമി മുമ്പ് റോജ, ബോംബെ, കടല്‍ തുടങ്ങിയ ചിത്രങ്ങളില്‍ മണിരത്‌നത്തിനൊപ്പം വര്‍ക്ക് ചെയ്തിട്ടുണ്ട്. അതിഥി കാട്ര് വെളിയിടെ എന്ന ചിത്രത്തിലും. മറ്റുള്ളവരെല്ലാം മണിരത്‌നത്തിനൊപ്പം ആദ്യമായാണ് പ്രവര്‍ത്തിക്കുന്നത്.
#ChekkaChivanthaVaanam releases #September28th Worldwide
Mani Ratnam’s Chekka Chivantha Vaanam to hit screens on September 28
