36വയതിനിലേ എന്ന ചിത്രത്തിലൂടെയുള്ള ജ്യോതികയുടെ വമ്പന്‍ തിരിച്ചുവരവിനുശേഷം അടുത്ത സ്ത്രീ പ്രാധാന്യമുള്ള സിനിമയുമായി ജ്യോതികയെത്തുന്നു. മെയില്‍ റിലീസ് ചെയ്യാനിരുന്ന സിനിമ ആഗസ്റ്റ് 11ന് റിലീസ് ചെയ്യുന്നു. അജിതിന്റെ വിവേഗം റിലീസ് ആഗസ്റ്റ് 10ല്‍ നിന്നും ആഗസ്ത് 24ലേക്ക് മാറ്റിയതുകൊണ്ട് മഗളിയാര്‍ മട്ടും ഇപ്പോള്‍ റിലീസ് ചെയ്യുന്നത്.
സ്വാതന്ത്ര്യദിനാവധി വരുന്ന വീക്കന്റ് ആയതിനാല്‍ കൂടുതല്‍ പ്രേക്ഷകര്‍ തിയേറ്ററിലേക്കെത്തുമെന്നാണ് അണിയറക്കാരുടെ വിശ്വാസം.
പ്രഭാവതി എന്ന ധൈര്യവതിയായ ഡോക്യുമെന്ററി ഫിലിം മേക്കറാണ് ജ്യോതിക ചിത്രത്തില്‍. ചിത്രത്തിന്റെ സെക്കന്റ് പോസ്റ്ററില്‍ ജ്യോതിക ബുള്ളറ്റ് ഓടിക്കുന്നതായിരുന്നു. ജ്യോതി ബൈക്ക് ഓടിക്കുന്നത് മാത്രമല്ല സിനിമയിലുള്ളത് സ്ത്രീകള്‍ക്ക് ചെയ്യാന്‍ സാധിക്കില്ല എന്നു പറയുന്ന പല കാര്യങ്ങളും ചിത്രത്തിലെ സ്ത്രീ കഥാപാത്രങ്ങള്‍ സാധിക്കുന്നുണ്ട്.
സൂര്യയാണ് ചിത്രം നിര്‍മ്മിച്ചിരിക്കുന്നത്. ഉര്‍വ്വശി, ശരണ്യ പൊന്‍വര്‍ണ്ണന്‍, ഭാനുപ്രിയ എന്നിവരും ചിത്രത്തിലുണ്ട്. ഗിബ്രാന്‍ ആണ് ചിത്രത്തില്‍ സംഗീതം ചെയ്തിരിക്കുന്നത്.
