എസ് എസ് രാജമൗലിയുടെ 'ബാഹുബലി ദ കണ്‍ക്ലൂഷന്‍' പുതിയ പോസ്റ്റര്‍ പുറത്തുവിട്ടു. കട്ടപ്പ കുഞ്ഞു ബാഹുബലിയെ വാത്സല്യത്തോടെ കയ്യിലെടുത്ത് ലാളിക്കുന്നതും, കട്ടപ്പ ബാഹുബലിയെ വധിക്കുന്നതുമായ രംഗങ്ങളാണ് പോസ്റ്ററില്‍.
Our designer jegan came up with this idea.
— rajamouli ss (@ssrajamouli) March 11, 2017
Couldnt help but tweet, though unscheduled.
The boy he raised
The man he killed... #Baahubali2 pic.twitter.com/hMV4YN5hVn
രാജമൗലി ട്വിറ്ററിലൂടെയാണ് പോസ്റ്റര്‍ പുറത്തുവിട്ടിരിക്കുന്നത്. ബാഹുബലി 2ന്റെ ട്രയിലര്‍ മാര്‍ച്ച് 16ന് പുറത്തിറക്കുമെന്ന് ഫേസ്ബുക്ക് ചാറ്റിലൂടെ സംവിധായകന്‍ എസ്എസ് രാജമൗലിയും നിര്‍മ്മാതാവ് ശോഭു യാര്‍ലഗദ്ദയും പറഞ്ഞു.ട്രെയിലര്‍ ആന്ധ്രപ്രദേശിലേയും തെലങ്കാനയിലേയും തിയേറ്ററുകളില്‍ രാവിലെ 9നും 10നും ഇടയില്‍ റിലീസ് ചെയ്യും. ഓണ്‍ലൈനായി വൈകീട്ട് 5ന് റിലീസ് ചെയ്യുമെന്നും അവര്‍ അറിയിച്ചു.ബാഹുബലി ആദ്യ ഭാഗത്തിന്റെ ട്രയിലറും ഇങ്ങനെ തന്നെയാണ് റിലീസ് ചെയ്തത്.
ലോകത്താകമാനമുള്ള പ്രേക്ഷകര്‍ കാത്തിരിക്കുന്ന ബാഹുബലി 2ാം ഭാഗം ഏപ്രില്‍ 28ന് തിയേറ്ററുകളിലെത്തിക്കും. പ്രഭാസ്,റാണ ദഗുപതി, തമന്ന ഭാട്ടിയ, അനുഷ്‌ക ഷെട്ടി, രമ്യാ കൃഷ്ണന്‍, സത്യരാജ് എന്നിവര്‍ രണ്ടാം ഭാഗത്തിലുമുണ്ട്. രണ്ടാം ഭാഗവും തെലുങ്ക്, ഹിന്ദി, തമിഴ്,മലയാളം ഭാഷകളില്‍ ഒരുമിച്ചിറങ്ങും.
