ഫ്‌ലിപ്പ്കാര്‍ട്ട് ബിഗ് ഷോപ്പിംഗ് സെയില്‍ പ്രഖ്യാപിച്ചതിനും പിന്നാലെ ആമസോണും സമ്മര്‍ സെയില്‍ തിയ്യതികള്‍ പ്രഖ്യാപിച്ചു. ആമസോണ്‍ സെയില്‍ മെയ് 13 മുതല്‍ 16വരെയാണ്. ഫ്‌ലിപ്പ്കാര്‍ട്ടില്‍ ബിഗ് ഷോപ്പിംഗ് നടക്കുന്ന അതേ ദിവസങ്ങളില്‍. ഈ സെയിലില്‍ മൊബൈല്‍ ഫോണുകള്‍, കണ്‍സ്യൂമര്‍ ഇലക്ട്രോണിക്‌സ്, ഫാഷന്‍, വീട്ടുപകരണങ്ങള്‍, ടിവി, സ്‌പോര്‍ട്‌സ്, ഫിറ്റ്‌നസ് ഉപകരണങ്ങള്‍ എന്നിവയ്്‌ക്കെല്ലാം ഓഫറുകള്‍ ഉണ്ട്. ക്യാഷ്ബാക്ക്, നോ കോസ്റ്റ് ഇഎംഐ, എകസ്‌ചേഞ്ച് ഡിസ്‌കൗണ്ട്, എന്നിവയും ലഭിക്കും. 1000ബ്രാന്റുകള്‍ക്ക് 40000 ഡീലുകള്‍ വരെ സെയിലില്‍ ഉണ്ടാകുമെന്നാണ് കമ്പനി അറിയിച്ചിരിക്കുന്നത്.

ആമസോണ്‍ സെയിലിലെ മൊബൈല്‍ ഡീലുകള്‍
ധാരാളം ഓഫറുകള്‍ മൊബൈല്‍ ഫോണുകള്‍ക്ക് സെയിലില്‍ പ്രഖ്യാപിച്ചിട്ടുണ്ട്. 35ശതമാനം വരെ സ്മാര്‍ട്ടഫോണുകള്‍ക്ക് ഡിസ്‌കൗണ്ടുകള്‍ ലഭിക്കും. ഹോണര്‍ 7x ഡിസ്‌കൗണ്ട് ആണ് കമ്പനി ഹൈലൈറ്റ് ചെയ്തിട്ടുള്ളത്. 10000രൂപ വരെ ഓഫറുകള്‍ നോക്കിയ 7പ്ലസ് ഫോണുകള്‍ക്ക്, സെയിലിന്റെ ഭാഗമായി റിയല്‍മി 1 ഫോണുകള്‍ ആദ്യമായി അവതരിപ്പിക്കുന്നു.ആപ്പില്‍ മാത്രമായുള്ള ഡിസ്‌കൗണ്ടുകള്‍ 8പിഎം മുതല്‍ അര്‍ധരാത്രി വരെ ആണ് ലഭിക്കുക. ആപ്പില്‍ നിന്നും ഷോപ്പ് ചെയ്യുന്നവര്‍ക്ക് തിരഞ്ഞെടുത്ത ബയേഴ്‌സ് 4ലക്ഷം രൂപയുടെ സമ്മാനങ്ങള്‍ പ്രഖ്യാപിച്ചിട്ടുണ്ട്. 

മൊബൈല്‍ ആസസറീസിന് 80ശതമാനം വരെ ഡിസ്‌കൗണ്ടുകള്‍ ഉണ്ട്. ഫോണ്‍ കേസുകള്‍ക്ക് 75ശതമാനം ഓഫും. ബ്ലൂടൂത്ത് ഹെഡ്‌സെറ്റുകള്‍ക്ക് 35ശതമാനം ഡിസ്‌കൗണ്ടും, പവര്‍ബാങ്കുകള്‍ക്ക് 70ശതമാനം ഓഫും ലഭിക്കും. 20000രൂപ വരെയുള്ള ഡിസ്‌കൗണ്ട് ലാപ്‌ടോപ്പിനും, പിസി ആസസറീസിന് 50ശതമാനം ഓഫും ഉണ്ടാകും. ക്യാമറഫോണുകള്‍, ഹെഡ്‌ഫോണുകള്‍, സ്പീക്കറുകള്‍, ഫിറ്റ്‌നസ് ട്രാക്കറുകള്‍,സ്മാര്‍ട്ട് വാച്ചുകള്‍, സ്‌റ്റോറേജ് ഡിവൈസസ് എന്നിവയ്‌ക്കെല്ലാം ഓഫറുകളുണ്ട്. ഇന്‍ ഹൗസ് ഉല്പന്നങ്ങളായ ആമസോണ്‍ എക്കോ ഉപകരണങ്ങള്‍, ഫയര്‍ ടിവി സ്റ്റിക്ക്, കിന്റില്‍ പേപ്പര്‍വൈറ്റ്, ഇബുക്കുകള്‍ എന്നിവയ്ക്കും ഡിസ്‌കൗണ്ടുകള്‍ ലഭിക്കും. വീഡിയോ ഗെയിമുകള്‍ക്ക് 60ശതമാനം ഓഫും സോഫ്‌റ്റ്വെയറുകള്‍ക്ക് 75ശതമാനം ഡിസ്‌കൗണ്ടും ഉണ്ടാകും.

ആമസോണ്‍ സമ്മര്‍സെയില്‍ നടക്കുന്ന നാല് ദിവസം ആമസോണ്‍ പേ ബാലന്‍സ് ഉപയോഗിച്ച് പര്‍ച്ചേസ് ചെയ്യുന്നവര്‍ക്ക് 10ശതമാനം ക്യാഷ്ബാക്ക് 300രൂപ വരെ, 250രൂപയ്ക്ക് മുകളിലുള്ള പര്‍ച്ചേസുകള്‍ക്ക് ലഭിക്കും. ഐസിഐസിഐ ബാങ്കുമായി പാര്‍ട്ടണര്‍ഷിപ്പ് ഉണ്ട് കമ്പനിക്ക്. അവരുടെ കസ്റ്റമേഴ്‌സിന് 10ശതമാനം അധികം ക്യാഷ്ബാക്ക് ലഭിക്കും. ബാങ്കിന്റെ ഡെബിറ്റ്, ക്രഡിറ്റ് കാര്‍ഡുകളോ ഇഎംഐ സെര്‍വീസോ ഉപയോഗിക്കുന്നവര്‍ക്കാണിത്.

സ്മാര്‍ട്ട്‌ഫോണ്‍, വാഷിംഗ് മെഷീന്‍, ടിവി, എയര്‍ കണ്ടീഷണര്‍ എന്നിവയ്ക്ക് എക്‌സ്‌ചേഞ്ച് സ്‌കീമുകള്‍, നോ കോസ്റ്റ് ഇഎംഐ എന്നിവ ആമസോണ്‍ ഇന്ത്യ നല്‍കുന്നു.