സംവിധായകന്‍ ബോബന്‍ സാമുവലിന്റെ അടുത്ത ചിത്രം വികടകുമാരന്‍ ട്രയിലര്‍ പുറത്തിറക്കി.വിഷ്ണു ഉണ്ണിക്കൃഷ്ണന്‍, മാനസ രാധാകൃഷ്ണന്‍, ധര്‍മ്മജന്‍ ബോള്‍ഗാട്ടി, സുനില്‍ സുഗദ എന്നിവരാണ് ചിത്രത്തില്‍ അഭിനയിക്കുന്നത്.
വിഷ്ണു ഉണ്ണിക്കൃഷ്ണന്റെ വക്കീല്‍ വേഷത്തെ ചുറ്റിപറ്റിയാണ് സിനിമയുടെ കഥ. സിനിമയില്‍ സംവിധായകന്‍ ഷാഫി ജഡ്ജിയായെത്തുന്നു. ഹരിനാരയണന്റെ വരികള്‍ക്ക് രാഹുല്‍ രാജ് സംഗീതം നല്‍കിയിരിക്കുന്നു.
ബോബന്‍ സാമുവല്‍ ഒരുക്കുന്ന അഞ്ചാമത്തെ സിനിമയാണിത്. ഷാജഹാനും പരീക്കുട്ടിയും ആയിരുന്നു ഒടുവിലത്തേത്. 2016ലാണ് ചിത്രം റിലീസ് ചെയ്തത്. കുഞ്ചാക്കോ ബോബന്‍, ജയസൂര്യ, അമല പോള്‍ എന്നിവരായിരുന്നു ചിത്രത്തില്‍ പ്രധാനവേഷം ചെയ്തത്.
