2014ല്‍ മികച്ച നടനുള്ള കേരളസംസ്ഥാന ചലച്ചിത്രഅവാര്‍ഡ് മെഗാസ്റ്റാര്‍ മോഹന്‍ലാലില്‍ നിന്നും സ്വീകരിച്ചിരുന്നു സുദേവ് നായര്‍. നാല് വര്‍ഷങ്ങള്‍ക്ക് ശേഷം താരം മോഹന്‍ലാലിനൊപ്പം സിനിമയില്‍ ഒരുമിക്കുന്നു. നിവിന്‍ പോളി, റോഷന്‍ ആന്‍ഡ്രൂസ് ചിത്രം കായംകുളം കൊച്ചുണ്ണിയില്‍ സുദേവ് മോഹന്‍ലാലിനൊപ്പം പ്രധാനവേഷത്തിലെത്തുന്നു.
കഥാപാത്രത്തെ കുറിച്ച് കൂടുതലൊന്നും പുറത്തുവിട്ടിട്ടില്ല. അബ്രഹാമിന്റെ സന്തതികള്‍ എന്ന ചിത്രത്തില്‍ താരം മമ്മൂട്ടിക്കൊപ്പവും അഭിനയിക്കുന്നുണ്ട്. ചിത്രത്തില്‍ താന്‍ മാത്രമുള്ള സീനുകളുടെ ചിത്രീകരണം കഴിഞ്ഞുവെന്നും മമ്മൂക്കക്കൊപ്പമുള്ള സീനുകള്‍ മാര്‍ച്ച് അവസാനം ചിത്രീകരിക്കാനിരിക്കുകയാണെന്നും താരം അറിയിച്ചു.
ഷാജി പാടൂര്‍ ആണ് അബ്രഹാമിന്റെ സന്തതികള്‍ ഒരുക്കുന്നത്. അന്‍സണ്‍ പോള്‍ ചിത്രത്തില്‍ പ്രധാനവേഷത്തിലെത്തുന്നു. ഹനീഫ് അദേനി എഴുതിയതാണ് കഥ. ഗോപി സുന്ദര്‍ ആണ് ചിത്രത്തിന് സംഗീതം നല്‍കുന്നത്.
