പൃഥ്വി ഫാന്‍സ് ആകാംക്ഷയോടെ കാത്തിരിക്കുന്ന താരത്തിന്റെ ചിത്രമാണഅ 9, സയന്‍സ് ഫിക്ഷന്‍ ത്രില്ലര്‍ ചിത്രമാണിത്. അച്ഛനും മകനും തമ്മിലുള്ള ബന്ധമാണ് സിനിമ പറയുന്നത്.നവംബര്‍ 16ന് ചിത്രം തിയേറ്ററുകളിലെത്തുമെന്നായിരുന്നു മുന്‍ റിപ്പോര്‍ട്ടുകള്‍. എന്നാല്‍ താരം തന്നെയാണ് മുന്‍തീയ്യതിയില്‍ മാറ്റം വരുമെന്ന് അറിയിച്ചിരിക്കുന്നത്.
സിനിമയുടെ സഹനിര്‍മ്മാതാവ് കൂടിയാണ് പൃഥ്വിരാജ്. സിനിമയുടെ ഫൈനല്‍ കട്ട് കണ്ട ശേഷം അല്പം കൂടി വിഎഫ്എക്‌സ് ടെക്‌നികല്‍ ഭാഗത്തില്‍ മാറ്റം വരുത്താനുണ്ടെന്നും അതിനാല്‍ വേഗം തന്നെ പുതിയ റിലീസ് തീയ്യതി പ്രഖ്യാപിക്കുമെന്നും താരം അറിയിച്ചു.
ജീനസ് മുഹമ്മദ് സംവിധാനം ചെയ്യുന്ന ചിത്രത്തില്‍ മംമ്ത മോഹന്‍ദാസ്, പ്രകാശ് രാജ്, വാമിഖ ഗബ്ബി തുടങ്ങിയവര്‍ പ്രധാനവേഷങ്ങളിലെത്തുന്നു.
