പൃഥ്വിരാജിന്റെ സയന്‍സ് ഫിക്ഷന്‍ ചിത്രം 9 റിലീസ് തീയ്യതി പ്രഖ്യാപിച്ചു. ജീനസ് മുഹമ്മദ് സംവിധാനം ചെയ്ത ചിത്രം നവംബര്‍ 16ന് തിയേറ്ററുകളിലേക്കെത്തും.
മലയാളം സിനിമ മുമ്പ് പരീക്ഷിച്ചിട്ടില്ലാത്ത പുതിയ ഒരു കാറ്റഗറിയിലാണ് സിനിമ ഒരുക്കിയിരിക്കുന്നത്. പൃഥ്വിരാജ് പുറത്തിറക്കിയ പുതിയ പോസ്റ്റര്‍ സൂചിപ്പിക്കുന്നത് സിനിമ ഒരു അച്ഛന്റേയും മകന്റേയും കഥയാണെന്നാണ്.
പ്രകാശ് രാജ്, വാമിഖ ഗബ്ബി, മംമ്ത മോഹന്‍ദാസ് എന്നിവരും ചിത്രത്തിലുണ്ട്. പൃഥ്വിരാജും ഭാര്യ സുപ്രിയ മേനോനും ചിത്രത്തിന്റെ സഹനിര്‍മ്മാതാക്കളാണ്. സോണി പിക്‌ചേഴ്‌സ് മലയാളത്തിലേക്കെത്തുന്നതും ഈ ചിത്രത്തിലൂടെയാണ്.
