ഒടിയന്‍ ട്രയിലറെത്തുന്നു. ഒക്ടോബര്‍ 11ന് കായംകുളം കൊച്ചുണ്ണി തിയേറ്ററില്‍ റിലീസ് ചെയ്യുന്നതിനൊപ്പമാണ് ഒടിയന്‍ ട്രയിലര്‍ എത്തുന്നത്. സംവിധായകന്‍ വിഎ ശ്രീകുമാര്‍ സോഷ്യല്‍മീഡിയയിലൂടെയാണ് അറിയിച്ചിരിക്കുന്നത്.
ലാലേട്ടന്റെ സോഷ്യല്‍ മീഡിയ പേജിലൂടെയും കായംകുളം കൊച്ചുണ്ണിക്കൊപ്പം തിയേറ്ററുകളിലും ട്രയിലര്‍ റിലീസ് ചെയ്യുമെന്നാണ് സംവിധായകന്‍ അറിയിച്ചിരിക്കുന്നത്.
ഒക്ടോബറില്‍ സിനിമ റിലീസ് ചെയ്യാനിരുന്നത്, കേരളത്തിലുണ്ടായ പ്രളയം കാരണം മറ്റു സിനിമകളുടെ റിലീസ് മാറ്റിവച്ചതിനാല്‍ തീയ്യതി നീട്ടുകയായിരുന്നു. സിനിമ ഡിസംബര്‍ 15ന് തിയേറ്ററുകളിലെത്തുമെന്നാണ് പുതിയ റിപ്പോര്‍ട്ടുകള്‍.
ആന്റണി പെരുമ്പാവൂര്‍ നിര്‍മ്മിക്കുന്ന ചിത്രത്തില്‍ മഞ്ജു വാര്യര്‍, പ്രകാശ് രാജ് എന്നിവരും മോഹന്‍ലാലിനൊപ്പം പ്രധാന വേഷങ്ങളിലെത്തുന്നു. ദേശീയ അവാര്‍ഡ് ജേതാവ് ഹരികൃഷ്ണന്‍ തിരക്കഥ ഒരുക്കുന്നു. ഷാജി കുമാര്‍ ക്യാമറയും. റഫീഖ് അഹമ്മദിന്റെ വരികള്‍ക്ക് എം ജയചന്ദ്രന്‍ ഈണം നല്‍കിയിരിക്കുന്നു. പുലിമുരുകന്‍ ചിത്രത്തിനുശേഷം പീറ്റര്‍ ഹെയ്ന്‍ മലയാളത്തില്‍ സംഘട്ടനമൊരുക്കുന്ന ചിത്രം കൂടിയാണിത്.
