മോഹൻലാലിന്റെ ജന്മദിനമായിരുന്നു കഴിഞ്ഞ ദിവസം. പിറന്നാൾദിനത്തിൽ താരത്തിന്റെ പുതിയ സിനിമ എലോൺ ടീസർ റിലീസ് ചെയ്തു. ഷാജി കൈലാസ് ഒരുക്കുന്ന സിം​ഗിൾ ആക്ടർ , സിം​ഗിൾ ലൊക്കേഷൻ ചിത്രമാണിത്. കോവിഡ് കാലത്തായിരുന്നു ചിത്രീകരണം.

രാജേഷ് ജയരാമൻ, ടൈം, ബാങ്കോക്ക് സമ്മർ, സൗണ്ട് ഓഫ് ബൂട്ട് തുടങ്ങിയ സിനിമകളുടെ തിരക്കഥ ഒരുക്കി- തിരക്കഥ ഒരുക്കുന്നു. ഒരു സ്മോൾ സ്കെയിൽ ഇൻവസ്റ്റി​ഗേറ്റീവ് ത്രില്ലർ ആണ് സിനിമയെന്ന് റിപ്പോർട്ടുകളുണ്ട്. മോഹൻലാൽ അടുത്തിടെ സിനിമയുടെ ഡബ്ബിം​ഗ് പൂർത്തിയാക്കിയിരുന്നു. ദൃശ്യം 2, ബ്രോ ഡാഡി, 12TH മാൻ എന്നിവ പോലെ എലോൺ ഒടിടി റിലീസ് ആവാനാണ് സാധ്യത.

അഭിനന്ദൻ രാമാനുജം ഛായാ​ഗ്രഹണമൊരുക്കുന്നു. സം​ഗീതം ജേക്ക്സ് ബിജോയ്, ഡോൺ മാക്സ് എഡിറ്റിം​ഗ്, സന്തോഷ് രാമൻ പ്രൊഡക്ഷൻ ഡിസൈൻ. ആന്റണി പെരുമ്പാവൂർ ആശിർവാദ് സിനിമാസ് ബാനറിൽ സിനിമ നിർമ്മിക്കുന്നു.