മമ്മൂക്കയും നാദിര്‍ഷയും ഒരുമിക്കുന്നുവെന്ന റിപ്പോര്‍ട്ടുകള്‍ നേരത്തേ വന്നിരുന്നു. പ്രൊജക്ട് ഇപ്പോള്‍ ഔദ്യോഗികമായി ഉറപ്പിച്ചിരിക്കുന്നു. അയാം എ ഡിസ്‌കോ ഡാന്‍സര്‍ എന്നാണ് ചിത്രത്തിന്റെ പേര് എന്നാണ് അറിയുന്നുത്. ആഷിഖ് ഉസ്മാന്‍ ചിത്രം നിര്‍മ്മിക്കുന്നു. കഴിഞ്ഞ ദിവസം നിര്‍മ്മാതാവ് തന്റെ ഫേസ്ബുക്ക് പേജില്‍ സ്വന്തം ബാനര്‍ 2019 ല്‍ നിര്‍മ്മിക്കുന്ന ചിത്രങ്ങള്‍ അറിയിച്ചിരുന്നു. നാദിര്‍ഷയ്‌ക്കൊപ്പമുള്ള പ്രൊജക്ട് ലിസ്റ്റിലുണ്ട്. മറ്റു അണിയറക്കാരെ കുറിച്ച് പറഞ്ഞിട്ടില്ല. രാജേഷ് പറവൂര്‍, രാജേഷ് പനവള്ളി എന്നിവരുടേതാണ് തിരക്കഥ.
നാദിര്‍ഷയും മമ്മൂക്കയും ഒന്നിക്കുന്നതായുള്ള റിപ്പോര്‍ട്ടുകള്‍ രണ്ട് വര്‍ഷം മുമ്പെ വന്നിരുന്നു. എന്നാല്‍ ആ പ്രൊജക്ട് നടന്നില്ല. പുതിയ ചിത്രത്തിന്റെ പേര് സൂചിപ്പിക്കുന്ന ചിത്രം മുഴുനീള കോമഡി എന്റര്‍ടെയ്‌നര്‍ ആവുമെന്നാണ്. നാദിര്‍ഷയുടെ മുന്‍ സൂപ്പര്‍ഹിറ്റുകളായ, അമര്‍അക്ബര്‍അന്തോണി, കട്ടപ്പനയിലെ ഹൃത്വിക് റോഷന്‍ എന്നിവ പോലെ തന്നെ.
മമ്മൂക്ക നിലവില്‍ നിരവധി ചിത്രങ്ങളുടെ തിരക്കിലാണ്. ശങ്കര്‍ രാമകൃഷ്ണന്‍ സംവിധാനം ചെയ്യുന്ന പതിനെട്ടാം പടി എന്ന ചിത്രത്തിന്റെ ഷൂട്ടിംഗിലാണ് താരം ഇപ്പോള്‍. വൈശാഖ് ചിത്രം മധുരരാജ, ഖാലിദ് റഹ്മാന്റെ ഉണ്ട എന്നിവയും മമ്മൂക്കയുടേതായി തുടങ്ങിയിട്ടുണ്ട്. ചരിത്ര സിനിമയായ മാമാങ്കത്തിന്റെ അടുത്ത ഷെഡ്യൂള്‍ ഈ മാസം ആരംഭിക്കാനിരിക്കുകയാണ്.
വിനോദ് വിജയനൊപ്പം അമീര്‍ എന്ന ബിഗ് ബഡ്ജറ്റ് ചിത്രം, രമേഷ് പിഷാരടി സംവിധാനം ചെയ്യുന്ന ഗാനഗന്ധര്‍വ്വന്‍, ബിഗ് ബി സ്വീകല്‍ എന്നിവ കൂടാതെ, തെലുഗ് ചിത്രം വൈ എസ് ആര്‍ ബയോപിക് യാത്ര, ഫെബ്രുവരി 8ന് തിയേറ്ററുകളിലേക്കെത്തും. തമിഴില്‍ പേരന്‍പ് എന്ന ചിത്രവും ഫെബ്രുവരിയില്‍ റിലീസിംഗിനെത്തുകയാണ്.
