ദിലീപ് നായകനായെത്തുന്ന കോടതി സമക്ഷം ബാലന്‍ വക്കീല്‍ അടുത്ത മാസം റിലീസ് ചെയ്യുകയാണ്. മുമ്പ് പറഞ്ഞിരുന്നതുപോലെ സിനിമയുടെ ട്രയിലര്‍ സോഷ്യല്‍മീഡിയയിലൂടെ റിലീസ് ചെയ്തു. ബി ഉണ്ണികൃഷ്ണന്‍ സംവിധാനം ചെയ്യുന്ന ചിത്രത്തില്‍ ദിലീപ് വക്കീലായാണ് എത്തുന്നത്.
ദിലീപിന്റെ കോമഡി എന്റര്‍ടെയ്‌നര്‍ എന്നതിനാല്‍ തന്നെ ചിത്രത്തിന് ഏറെ പ്രതീക്ഷയാണ് പ്രേക്ഷകര്‍ക്കിടയില്‍. വിക്കുള്ള വക്കീലായാണ് താരം ചിത്രത്തിലെത്തുന്നത്.മംമ്ത മോഹന്‍ദാസ്, പ്രിയ ആനന്ദ് എന്നിവരാണ് നായികാകഥാപാത്രങ്ങളായെത്തുന്നത്.
സിനിമാറ്റോഗ്രാഫര്‍ അഖില്‍ ജോര്‍ജ്ജ്, എഡിറ്റര്‍ ഷമീര്‍ മുഹമ്മദ്, സംഗീതം നിര്‍വഹിക്കുന്നത് ഗോപി സുന്ദര്‍, രാഹുല്‍ രാജ് ടീം. ബോളിവുഡിലെ നിര്‍മ്മാണ കമ്പനി വയാകോം 18 മോഷന്‍ പിക്‌ചേഴ്‌സ് ഈ ചിത്രത്തിലൂടെ മലയാളസിനിമാലോകത്തേക്കെത്തുകയാണ്.
