പുതിയ റിപ്പോര്‍ട്ടുകളനുസരിച്ച് ദിലീപ് വീണ്ടും തിരക്കുകളിലേക്ക് കടക്കുകയാണ്. ഇപ്പോള്‍ പുറത്തുവന്ന റിപ്പോര്‍ട്ടുകളനുസരിച്ച് സംവിധായകന്‍ ജയസൂര്യയുടെ ജാക്ക് ഡാനിയല്‍ എന്ന ചിത്രത്തില്‍ ദിലീപ് എത്തുന്നു.ദിലീപിനൊപ്പം ചിത്രത്തില്‍ പ്രശസ്ത തമിഴ്‌നടന്‍ അര്‍ജ്ജുന്‍ എത്തുന്നു. തമീന്‍സ് ഫിലിംസിന്റെ ഷിബു തമീന്‍ ആണ് ബിഗ് ബഡ്ജറ്റ് ആക്ഷന്‍ ഫ്‌ലിക്ക് ചിത്രം നിര്‍മ്മിക്കുന്നത്. സിനിമയുടെ ടൈറ്റില്‍ പോസ്റ്റര്‍ സോഷ്യല്‍ മീഡിയയിലൂടെ പ്രചരിക്കുന്നുണ്ട്.
സ്പീഡ് ട്രാക്ക് എന്ന ചിത്രത്തില്‍ മുമ്പ് ദിലീപ് ജയസൂര്യയ്‌ക്കൊപ്പം വര്‍ക്ക് ചെയ്തിട്ടുണ്ട്. അതിനുശേഷം മോഹന്‍ലാല്‍ ചിത്രം ഏഞ്ചല്‍ ജോണ്‍ എന്ന സിനിമയും സംവിധായകന്‍ ഒരുക്കി. ടൈറ്റില്‍ പോസ്റ്റര്‍ പ്രകാരം മുന്‍നിര ടെക്‌നിക്കല്‍ ടീം തന്നെ സിനിമയ്ക്ക് പിറകിലുണ്ട്. പീറ്റര്‍ ഹെയ്ന്‍, ഗോപി സുന്ദര്‍, ധ്രുവനച്ചത്തിരം ഫെയിം ശന്തന കൃഷ്ണന്‍ എന്നിവര്‍.
ദിലീപ് ഇപ്പോള്‍ ബി ഉണ്ണികൃഷ്ണന്‍ ചിത്രം കോടതി സമക്ഷം ബാലന്‍ വക്കീല്‍ എന്ന ചിത്രത്തിന്റെ ഷൂട്ടിംഗിലാണ്. പ്രൊഫസര്‍ ഡിങ്കന്‍ എന്ന 3ഡി സിനിമയുടെ ചിത്രീകരണത്തിനായി ഉടന്‍ താരം ബാങ്കോക്കിലേക്ക് പോവാനിരിക്കുകയാണ്. റാഫിയുടേതാണ് ചിത്രം. അദ്ദേഹം തന്നെയാണ് മറ്റൊരു ദിലീപ് ചിത്രമായ പിക്‌പോക്കറ്റ് കഥ എഴുതുന്നതും.
