കഥാകാരി മാധവിക്കുട്ടിയുടെ ജീവചരിത്രത്തെ ആസ്പദമാക്കി സംവിധായകന്‍ കമല്‍ ഒരുക്കുന്ന ആമി എല്ലാവരും ആകാംക്ഷയോടെ കാത്തിരിക്കുന്ന ചിത്രമാണ്. മലയാളത്തിന്റെ സ്വന്തം മഞ്ജുവാര്യര്‍ ആണ് ചിത്രത്തില്‍ ആമിയാകുന്നത്. ടൊവിനോ തോമസ് ചിത്രത്തിന്റെ ഭാഗമാകുന്നു. ഇതാദ്യമായാണ് താരം കമലിനെ പോലുള്ള സംവിധായകനൊപ്പം പ്രവര്‍ത്തിക്കുന്നത്.
ടൊവിനോ ചിത്രത്തിലെ തന്റെ ഭാഗം കഴിഞ്ഞ മാസം തന്നെ പൂര്‍ത്തിയാക്കിയത് അറിയിച്ചിരുന്നു. ഇപ്പോള്‍ താരം ഡബിംഗ് പൂര്‍ത്തിയാക്കിയതായും പറയുന്നു. ഡിസംബറില്‍ ചിത്രം തിയേറ്ററുകളിലെത്തുമെന്നായിരുന്നു നേരത്തെയുള്ള റിപ്പോര്‍ട്ടുകള്‍. എന്നാല്‍ അടുത്ത വര്‍ഷത്തേക്ക് റിലീസിംഗ് നീട്ടിയതായാണ് ഇപ്പോഴത്തെ റിപ്പോര്‍ട്ടുകള്‍.
ഫെലിനി ടിപി ഒരുക്കുന്ന തീവണ്ടിയുടെ ചിത്രീകരണത്തിലാണ് ടൊവിനോ ഇപ്പോള്‍. മറഡോണ എന്ന ചിത്രത്തിന്റെ ഷൂട്ടിംഗ് പൂര്‍ത്തിയാക്കി. ആഷിഖ് അബു ഒരുക്കുന്ന മായാനദി ആണ് താരത്തിന്റെ അടുത്ത റിലീസ്.ചിത്രത്തില്‍ ഐശ്വര്യ ലക്ഷ്മിയാണ് നായികവേഷത്തിലെത്തുന്നത്.
