ടൊവിനോ തോമസിന്റെ തീവണ്ടി എന്ന ചിത്രത്തിലെ ആദ്യ ഗാനം ജീവാംശമായി എന്നു തുടങ്ങുന്നത് ഹിറ്റായിരുന്നു. തുടര്‍ന്ന് ചിത്രത്തിലെ രണ്ടാമത്തെ ഗാനവും പ്രേക്ഷകരിലേക്കെത്തിച്ചിരിക്കുകയാണ് അണിയറക്കാര്‍.
'മാനത്തെ' എന്നു തുടങ്ങുന്ന ഗാനം ആലപിച്ചിരിക്കുന്നത് കമ്പോസര്‍ കൈലാസ് മേനോനും മ്യൂസിക് ഡയറക്ടര്‍-സിംഗര്‍ അല്‍ഫോണ്‍സ് ജോസഫും ചേര്‍ന്നാണ്.
വരികള്‍ എങ്ങണ്ടിയൂര്‍ ചന്ദ്രശേഖരന്റേതാണ്. സിനിമയിലെ രണ്ട് പുരുഷകഥാപാത്രങ്ങളാണ് ഗാനരംഗത്ത്. തമാശ നിറഞ്ഞ പാട്ടാണിത്. സിനിമയുടെ കഥ നടക്കുന്ന സ്ഥലത്തെ പറ്റിയും പാട്ടില്‍ പറയുന്നുണ്ട്. സിനിമയുടെ കമ്പോസര്‍ കൈലാസ് ഒരു ഇന്റര്‍വ്യൂവില്‍ പറഞ്ഞത് ഈ ഗാനം സിനിമയില്‍ ടൈറ്റില്‍ സോംഗായിട്ടാവും ഉപയോഗിക്കുക എന്നാണ്.
ഫെല്ലിനി ടിപി ആണ് സംവിധായകന്‍, വിനി വിശ്വ ലാല്‍ ആണ് കഥയെഴുതിയിരിക്കുന്നത്. സംയുക്ത നായികവേഷം ചെയ്യുന്നു.
