ശിവകാര്‍ത്തികേയന്‍ -ഫഹദ് ഫാസില്‍ കൂട്ടുകെട്ടില്‍ മോഹന്‍രാജയുടെ സംവിധാനത്തില്‍ തമിഴില്‍ ഒരുങ്ങുന്ന വേലൈക്കാരന്‍ എന്ന സിനിമയില്‍ സ്‌നേഹയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്.
2015ല്‍ കുഞ്ഞിന്റെ ജനനശേഷം സ്‌നേഹ വീണ്ടു സിനിമാലോകത്തേക്ക് തിരിച്ചെത്തുകയാണ്. സിനിമയിലെ കഥാപാത്രത്തിനായി 10കിഗ്രാം ഭാരം കുറച്ചിരിക്കുകയാണ് താരമിപ്പോള്‍. ഇപ്പോള്‍ തന്നെ 7കിഗ്രാം ഭാരം കുറച്ചിട്ടുണ്ടെന്നും ഇനിയും ഭാരം കുറയ്ക്കാനുള്ള ശ്രമത്തിലാണെന്നും താരം പറഞ്ഞു. തന്റെ കഥാപാത്രത്തെ കുറിച്ച് കൂടുതലായൊന്നും സ്‌നേഹ പറയുകയുണ്ടായില്ല.
ദിവസവും രണ്ടുനേരം വ്യായാമവും ഡയറ്റില്‍ നിന്നും കാര്‍ബോഹൈഡ്രേറ്റ്‌സും ഒഴിവാക്കിയിരിക്കുകയാണ് താരം. ഷൂട്ടിംഗ് ആരംഭിക്കുമ്പോഴേക്കും മൂന്നു കിലോ കൂടി കുറയ്ക്കുമെന്ന് തീര്‍ച്ചപ്പെടുത്തിയിരിക്കുകയാണ്.
ഫഹദ് ഫാസിലിനൊടൊപ്പം അഭിനയിക്കുന്നതിന്റെ സന്തോഷവും താരം പങ്കുവച്ചു. പ്രമാണി എന്ന ചിത്രത്തില്‍ ഇതിനുമുമ്പ് ഇരുവരും ഒന്നിച്ചിട്ടുണ്ട്. സ്‌നേഹ ഫഹദിന്റെ ഒരു ആരാധിക കൂടിയാണെന്നും പറഞ്ഞു.
