മലയാളത്തില്‍ വ്യത്യസ്തമാര്‍ന്ന സിനിമകളാല്‍ പേരുകേട്ടവരാണ് സംവിധായകന്‍ റോഷന്‍ ആന്‍ഡ്രൂസും തിരക്കഥാകൃത്തുക്കളായ ബോബി, സഞ്ജയ് ടീമും. നോട്ടബുക്ക് മുതല്‍ ഇതുവരെ ഒരിക്കല്‍ ചെയ്ത കാറ്റഗറിയിലുള്ള സിനിമകള്‍ ഇവര്‍ ആവര്‍ത്തിച്ചിട്ടില്ല. എന്നാല്‍ ഇത് കായംകുളം കൊച്ചുണ്ണിക്ക് ശേഷം തെറ്റിക്കാനൊരുങ്ങുകയാണ് സംവിധായകന്‍.
നിവിന്‍ പോളിയെ നായകനാക്കി കായംകുളം കൊച്ചുണ്ണി എന്ന ചിത്രത്തിനുശേഷം മുമ്പ് മുംബൈ പോലീസ് എന്ന ചിത്രം ചെയ്ത സംവിധായകന്‍ വീണ്ടും ഒരു പോലീസ് ത്രില്ലറുമായെത്തുകയാണ്.
ബോബി സഞ്ജയ് ടീമിന്റേതുതന്നെയാണ് തിരക്കഥ. താരങ്ങളെയെല്ലാം തീരുമാനിക്കേണ്ടതുണ്ട്. അതിനുശേഷം വീണ്ടും നിവിനൊപ്പം മറ്റൊരു ചിത്രവുമായി എത്തുമെന്നും സംവിധായകന്‍ പറഞ്ഞു.
