സംവിധായകന്‍ രൂപേഷ് ഒരു മെക്‌സികന്‍ അപാരതയിലൂടെ അഭിനയരംഗത്തേക്കും കാലെടുത്തുവച്ചിരിക്കുകയാണ്. നാല് ചിത്രങ്ങളില്‍ അഭിനേതാവായി വരാനിരിക്കുകയാണ്.കൂടാതെ സംവിധാകന്റേതായി പൃഥ്വിയ്‌ക്കൊപ്പം ഒരു സിനിമയും ദുല്‍ഖറിന്റെ അരങ്ങേറ്റ ചിത്രം തീവ്രം രണ്ടാംഭാഗവും അണിയറയിലുണ്ട്.
തീവ്രം 2019ലായിരിക്കും ചിത്രീകരണം തുടങ്ങുക എന്ന് സംവിധായകന്‍ അറിയിച്ചു. തീവ്രത്തിന്റെ രണ്ടാംഭാഗമായല്ല ചിത്രം ഒരുക്കുന്നത്. പുതിയ താരങ്ങളും ചിത്രത്തിലുണ്ടാകും.
രൂപേഷിന്റേതായി അടുത്ത് തയ്യാറാകുന്നത് പൃഥ്വിരാജിനെ നായകനാക്കിയുള്ള സിനിമയാണ്. അതൊരു ക്രൈം ത്രില്ലര്‍ മൂവിയായിരിക്കുമെന്നും പ്രേക്ഷകര്‍ക്ക് ഒരു മാസ് മൂവി പ്രതീക്ഷിക്കാമെന്നും അദ്ദേഹം കൂട്ടിച്ചേര്‍ത്തു. തിരക്കഥയില്‍ റീവര്‍ക്ക് ചെയ്തുകൊണ്ടിരിക്കുകയാണ് ഇപ്പോള്‍. സിനിമയും എത്താന്‍ വൈകുമെന്നാണ് സംവിധായകന്‍ പറയുന്നത്. കാരണം പൃഥ്വി ആടുജീവിതം, ലൂസിഫര്‍ തുടങ്ങിയ ചിത്രങ്ങളുടെ തിരക്കിലായിരിക്കും അടുത്ത വര്‍ഷം. അദ്ദേഹത്തിന്റെ തിരക്കുകള്‍ക്ക് ശേഷമേ ഈ സിനിമയില്‍ ജോയിന്‍ ചെയ്യുകയുള്ളൂ.
സംവിധായകന്‍ രൂപേഷ് അദ്ദേഹത്തിന്റെ അഭിനയജീവിതത്തിലും തിരക്കിലാണ്. ഡോ. റോണി, രാജീവ് പിള്ള, അനു മോഹന്‍ എന്നിവര്‍ക്കൊപ്പം കോമഡിസിനിമ അങ്കരാജ്യത്തെ ജിമ്മന്മാരുടെ സെറ്റിലാണിപ്പോള്‍. പുതിയ കുറച്ചുസിനിമകളില്‍ കൂടി കരാറൊപ്പിട്ടുണ്ടെന്നും, അതിനുശേഷമേ പുതിയ സംവിധാനത്തിലേക്ക് കടക്കുകയുള്ളൂ.
