കമ്മാരസംഭവത്തിനുശേഷം ദിലീപ് നായകനാകുന്ന ചിത്രമാണ് പ്രൊഫസര്‍ ഡിങ്കന്‍.സിനിമയുടെ ചിത്രീകരണം തുടങ്ങിയിരിക്കുന്നു എന്ന തരത്തിലൂള്ള റിപ്പോര്‍ട്ടുകള്‍ ശരിയല്ല എന്നും സിനിമ ചിത്രീകരണം തുടങ്ങാന്‍ പോവുന്നേ ഉള്ളൂ എന്നുമാണ് സിനിമയുടെ സംവിധായകന്‍.
സിനിമാറ്റോഗ്രാഫിയില്‍ നിന്നും സംവിധാനത്തിലേക്ക് കടക്കുന്ന രാമചന്ദ്രബാബു ടൈംസ് ഓഫ് ഇന്ത്യയോട് പറഞ്ഞത്, ഇനിയും ഡേറ്റ് ഫൈനലൈസ് ചെയ്തിട്ടില്ല.ഇപ്പോഴത്തെ തീരുമാനമനുസരിച്ച് അടുത്ത മാസം ചിത്രീകരണം തുടങ്ങാനാണ് കരുതുന്നത്. ദുബായ്, എറണാകുളം എന്നിവിടങ്ങളാണ് പ്രധാന ലൊക്കേഷനുകള്‍.
സിനിമയുടെ തിരക്കഥ പൂര്‍ണ്ണമാക്കുകയാണ് ഇപ്പോള്‍ റാഫി. അഭിനേതാക്കള്‍ക്ക് വ്യത്യാസമൊന്നുമില്ല. നമിത പ്രമോദ് നായിക വേഷം ചെയ്യുന്നു. 3ഡി ആയാണ് സിനിമ ചിത്രീകരിക്കുന്നത്.
