ആദിയ്ക്കുശേഷം പ്രണവ് മോഹന്‍ലാല്‍ ഫാന്‍സിന് ഒരു സന്തോഷവാര്‍ത്ത. താരത്തിന്റെ അടുത്ത ചിത്രം പ്രഖ്യാപിച്ചു.രാമലീല സംവിധായകന്‍ അരുണ്‍ഗോപിയ്‌ക്കൊപ്പമാണ് താരപുത്രന്റെ അടുത്ത ചിത്രം. സംവിധായകന്‍ തന്നെയാണ് പുതിയ ചിത്രം പ്രഖ്യാപിച്ചിരിക്കുന്തന്. 'അതിയായ സന്തോഷത്തോടെ ഈ അവസരം വന്നുചേര്‍ന്നതിനുള്ള അഭിമാനത്തോടെ ടോമിച്ചായനോടൊപ്പം (ടോമിച്ചന്‍ മുളക് പാടം) പ്രണവ് മോഹന്‍ലാലിനോടൊപ്പമാണ് താന്‍ അടുത്ത ചിത്രം ചെയ്യുന്നത്'. സിനിമയില്‍ സംവിധായകനും എഴുത്തുകാരനുമാകുന്നത് അരുണ്‍ തന്നെയാണ്. നിങ്ങളുടെ ഏവരുടേയും സ്‌നേഹവും പ്രാര്‍ത്ഥനകളഉം പിന്തുണയും ഈ പ്രൊജക്ടിനുണ്ടാവുമെന്ന വിശ്വസിക്കുന്നു. ഏറെ പ്രതിസന്ധികള്‍ക്കിടയിലും തന്റെ ആദ്യ ചിത്രം രാമലീല നേടിയ വിജയം നിങ്ങളുടെ പിന്തുണ കൊണ്ടുണ്ടായതാണ്.
അരുണ്‍ ഗോപിയുടെ ആദ്യ ചിത്രം ദിലീപിനൊപ്പം ചെയ്ത രാമലീല ആയിരുന്നു. നടന്റെ ജയില്‍വാസവും മറ്റും കാരണം ഏറെ വൈകിയായിരുന്നു ചിത്രം റിലീസ് ചെയ്തത്. ഏറെ പ്രശ്‌നങ്ങള്‍ നേരിട്ടെങ്കിലും ചിത്രം വന്‍വിജയമായിരുന്നു.
പ്രണവ് മോഹന്‍ലാല്‍ സിനിമയിലേക്കെത്തുന്നു എന്ന വാര്‍ത്ത വന്നതുമുതല്‍ ആരാധകരെല്ലാം താരപുത്രന്റെ ഓരോ ചലനങ്ങളും നിരീക്ഷിച്ചുകൊണ്ടിരിക്കുകയാണഅ. പ്രണവിന്റെ ആദ്യ ചിത്രം ആദി ആക്ഷനു പ്രാധാന്യം നല്‍കിയതായിരുന്നു. പുതിയ ചിത്രത്തില്‍ താരത്തിന്റെ വ്യത്യസ്ത മുഖം കാണാനായി ഏവരും കാത്തിരിക്കുകയാണ്.
