ആരാധകര്‍ ഏറെ പ്രതീക്ഷയോടെ കാത്തിരിക്കുന്ന മോഹന്‍ലാല്‍ ചിത്രമാണ് ഒടിയന്‍. സിനിമ പ്രഖ്യാപിച്ചതുമുതല്‍ തന്നെ വാര്‍ത്തകളില്‍ സ്ഥാനം നേടിയ ചിത്രം, ചിത്രത്തെ കുറിച്ചുള്ള ഓരോ വിശേഷങ്ങളും പ്രേക്ഷകര്‍ ഏറെ ആവേശത്തോടെയാണ് വരവേറ്റത്.
പരസ്യചിത്ര സംവിധായകനായിരുന്നു വിഎ ശ്രീകുമാര്‍ ഒരുക്കുന്ന ഒടിയന്‍ പുതിയ ടീസര്‍ റിലീസ് ചെയ്തിരിക്കുന്നു എന്നതാണ് പുതിയ വാര്‍ത്ത, കൂടെ ഏവരും കാത്തിരിക്കുന്ന റിലീസ് തീയ്യതിയും പ്രഖ്യാപിച്ചിരിക്കുകയാണ്. ഒക്ടോബര്‍ 11ന് രാവിലെ 7മണി 9മിനിറ്റ് ആകുമ്പോള്‍ പ്രേക്ഷകരെ തന്റെ മാജികും നിഗൂഢതകളും കാണിക്കാനായി ഒടിയന്‍ മാണിക്യന്‍ സിനിമാസിലെത്തുന്നു.
മോഹന്‍ലാല്‍ മൂന്ന് വ്യത്യസ്ത ഗെറ്റപ്പിലാണ് സിനിമയിലെത്തുന്നത്. ചിത്രത്തില്‍ ലാലേട്ടനൊപ്പം എത്തുന്ന പ്രകാശ് രാജ്, മഞ്ജു വാര്യര്‍ എന്നിവരും വിവിധ ഗെറ്റപ്പുകളിലെത്തുന്നുണ്ട്. പുലിമുരുകന് ശേഷം പീറ്റര്‍ ഹെയ്ന്‍ സ്റ്റണ്ട് കൊറിയോഗ്രാഫി ചെയ്യുന്ന ചിത്രം കൂടിയാണ് ഒടിയന്‍.
നരേന്‍, സിദ്ദീഖ്, ഇന്നസെന്റ്,തുടങ്ങിയവരും ചിത്രത്തിലുണ്ട്. നേരത്തേ മോഷന്‍ പോസ്റ്ററില്‍ ഉപയോഗിച്ച അതേ ബാക്ക് ഗ്രൗണ്ട് മ്യൂസിക് ആണ് പുതിയ ടീസറിലും. ആശിര്‍വാദ് സിനിമാസിന്റെ ബാനറില്‍ ആന്റണി പെരുമ്പാവൂരാണ് ചിത്രം നിര്‍മ്മിച്ചിരിക്കുന്നത്.
