നിവിന്‍ പോളിയുടെ തമിഴ് ചിത്രം റിച്ചി റിലീസിംഗ് തീയ്യതി തീരുമാനിച്ചു.ഡിസംബര്‍ 1ന് തിയേറ്ററുകളിലെത്തുമെന്നാണ് റിപ്പോര്‍ട്ടുകള്‍.ഗൗതം രാമചന്ദ്രന്‍ ആണ് സിനിമ സംവിധാനം ചെയ്തിരിക്കുന്നത്. രക്ഷിത് ഷെട്ടി നായകനായി ഇറങ്ങിയ കന്നഡ ഹിറ്റ് ചിത്രം ഉളിധവരും കണ്ടതേയുടെ റീമേക്ക ആണ് ചിത്രം.
നിവിന്‍ ചിത്രത്തില്‍ ഗുണ്ടാവേഷത്തിലാണ് എത്തുന്നത്. പ്രകാശ് രാജ് ചിത്രത്തില്‍ ഒരു പള്ളിവികാരിയുടെ വേഷത്തിലെത്തുന്നു. ടീസരില്‍ പ്രകാശ് രാജിന്റെ വേഷത്തെ നിവിന്‍ കഥാപാത്രം ശക്തമായി വിമര്‍ശിക്കുന്ന രംഗങ്ങളുണ്ട്.
.@NivinOfficial’s first full length Tamil film #Ritchie directed by #GauthamRamachandran is now all set for release on December 1 pic.twitter.com/odhmbnl5di
— Sreedhar Pillai (@sri50) October 29, 2017
അധികം പോക്കിരിയായി നിവിനെ മുമ്പ് ഒരു സിനിമയിലും കണ്ടിട്ടില്ല. എന്നാല്‍ റിച്ചിയില്‍ നിവിന്റെ കഥാപാത്രം പാന്‍ ചവയ്ക്കുന്ന താടി നീട്ടിവളര്‍ത്തി കറുത്ത വസ്ത്രമണിഞ്ഞെത്തുന്ന ഒരു ഗുണ്ടാവേഷത്തിലാണ്. നടരാജന്‍ സുബ്രഹ്മണ്യം, അശോക് സെല്‍വന്‍, ലക്ഷ്മി പ്രിയ ചന്ദ്രമൗലി എന്നിവരും ചിത്രത്തില്‍ നിവിനൊപ്പമെത്തുന്നു.
അജനീഷ് ലോകനാഥ് ആണ് ചിത്രത്തിന്റെ സംഗീതം ഒരുക്കിയിരിക്കുന്നത്.നടന്‍ വിശാല്‍ കൃഷ്ണയുടെ അച്ഛന്‍ ജികെ റെഡ്ഡി ചിത്രത്തില്‍ ഒരു പ്രധാനവേഷത്തിലെത്തുന്നു.
നിവിന്റേതായി മലയാളത്തിലും ഒരുപാടു ചിത്രങ്ങള്‍ ഒരുങ്ങുന്നു. തൃഷക്കൊപ്പം ഹേയ് ജൂഡ് , നയന്‍താരയ്‌ക്കൊപ്പം ഒരു പ്രണയആക്ഷന്‍ചിത്രം, കായംകുളം കൊച്ചുണ്ണി, എന്‍ നാരായണ്‍ പിളളയുടെ ജീവചരിത്രം തുടങ്ങിയവ.
