അജിത്തിന്റെ അടുത്ത ചിത്രം വിശ്വാസത്തില്‍ ഫീമെയില്‍ ലീഡ് ആരെന്ന അഭ്യൂഹങ്ങള്‍ക്ക് വിരാമം. ചിത്രത്തില്‍ നായികയായി നയന്‍താര എത്തുന്നു.കഴിഞ്ഞ നവംബറില്‍ ശിവ സംവിധാനം ചെയ്യുന്ന ചിത്രം അനൗണ്‍സ് ചെയ്തിരുന്നു. ചിത്രത്തിന്റെ പ്രീപ്രൊഡക്ഷന്‍ വര്‍ക്കുകള്‍ നടന്നു കൊണ്ടിരിക്കുകയാണ്.
എന്നാല്‍ ആരായിരിക്കും ചിത്രത്തില്‍ തലയുടെ നായിക എന്ന് പല അഭ്യൂഹങ്ങളും പ്രചരിച്ചിരു്‌നനു. അനുഷ്‌ക, തമന്ന, കീര്‍ത്തി സുരേഷ് തുടങ്ങിയവരെല്ലാം ഈ സ്ഥാനത്തേക്ക് പറഞ്ഞുകേട്ടു. ഇപ്പോള്‍ സിനിമയുടെ അണിയറയില്‍ നിന്നുമുളള വാര്‍ത്തകളനുസരിച്ച് ലേഡി സൂപ്പര്‍സ്റ്റാര്‍ നയന്‍താര നായികയാകുന്നു എന്നാണ്. ഇതോടെ നയന്‍താരയും അജിത്തും നാലാമത്തെതവണയാണ് ഒന്നിക്കുന്നത്. ബില്ലയിലായിരുന്നു ഇരുവരും ആദ്യമായി ഒന്നിച്ചത്. പിന്നീട് ഏകന്‍, ആരംഭം തുടങ്ങിയ ചിത്രങ്ങളിലും.
സംഗീതസംവിധായകനായി യുവാന്‍ ശങ്കര്‍ രാജ, അനിരുദ്ധ്, സാം സി എസ്, ഹാരിസ് ജയരാജ് ഇവരുടേയെല്ലാം പേരുകള്‍ പറഞ്ഞുകേള്‍ക്കുന്നുണ്ട്. എന്നാല്‍ സംഗീതസംവിധായകനെ ഇനിയു ഫൈനലൈസ് ചെയ്തിട്ടില്ലെന്നാണ് പുതിയ റിപ്പോര്‍ട്ടുകള്‍.ശിവയുടെ സ്ഥിരം വെട്രിയാണ് സിനിമാറ്റോഗ്രാഫര്‍. വിവേഗം സിനിമയില്‍ നിന്നും വ്യത്യസ്തമായി , ചിത്രം പൂര്‍ണ്ണമായും വിദേശത്തായിരുന്നു ചിത്രീകരണം, വിശ്വാസം ഇന്ത്യയില്‍ തന്നെയാണ് ചിത്രീകരിക്കുന്നത്.മാര്‍ച്ച് മാസത്തോടെ ചിത്രീകരണം ആരംഭിക്കാനാണ് സാധ്യത. സിനിമ ദീപാവലി റിലീസ് ആയിരിക്കുമെന്ന് നേരത്തെ തന്നെ പ്രഖ്യാപിച്ചിട്ടുണ്ട്.
