മോഹന്‍ലാല്‍ - മീന കൂട്ടുകെട്ടില്‍ പുറത്തിറങ്ങുന്ന മുന്തിരിവള്ളികള്‍ തളിര്‍ക്കുമ്പോളിലെ ആദ്യഗാനം പുറത്തിറങ്ങി.
മധു വാസുദേവന്‍ രചിച്ച ഗാനത്തിന് എം ജയചന്ദ്രനാണ് സംഗീതം നല്‍കിയിരിക്കുന്നത്. സിനിമയിലെ എല്ലാ താരങ്ങളും ഈ ഗാനരംഗത്തില്‍ അണിനിരക്കുന്നുണ്ട്. 'പുന്നമടക്കായല്‍' എന്നു തുടങ്ങുന്ന ഗാനം പാടിയിരിക്കുന്നത് ജിതിന്‍ രാജ് ആണ്.
ആലപ്പുഴയിലെ വിവിധ സ്ഥലങ്ങളുടെ പേരുകള്‍ കൂട്ടിചേര്‍ത്താണ് ഗാനം രചിച്ചിരിക്കുന്നത്.കുട്ടനാടും വള്ളംകളിയുമൊക്കെ ഗാനത്തിന് കൂടുതല്‍ മിഴിവേകുന്നു.
വീക്കെന്റ് ബ്ലോക്ക്ബസ്‌റ്റേഴ്‌സിന്റെ ബാനറില്‍ സോഫിയാ പോളാണ് ചിത്രം നിര്‍മ്മിക്കുന്നത്. വിജെ ജെയിംസിന്റെ പ്രണയോപനിഷത്ത് എന്ന ചെറുകഥയെ ആസ്പദമാക്കി എം സിന്ധുരാജ് തിരക്കഥയൊരുക്കിയിരിക്കുന്നത്.
