മമ്മൂട്ടി പോലീസ് വേഷത്തിലെത്തുന്ന സ്ട്രീറ്റ്‌ലൈററ് യുഎഇയില്‍ ആദ്യം റിലീസ് ചെയ്യും. കേരളത്തില്‍ റിലീസ് ചെയ്യുന്നതിന് ഒരു ദിവസം മുമ്പായി യുഎഇയില്‍ ചിത്രം റിലീസ് ചെയ്യും. ജനുവരി 26നാണ് കേരളത്തില്‍ ചിത്രം തിയേറ്ററുകളിലെത്തുന്നത്.
യുഎഇയിലും ഇന്ത്യയിലും ഒരുമിച്ച് റിലീസ് ചെയ്യുന്ന രണ്ടാമത്തെ മലയാളസിനിമയാണ് സ്ട്രീറ്റ്‌ലൈറ്റ്‌സ്. പൃഥ്വിരാജിന്റെ വിമാനം ഇതിനുമുമ്പ് ഡിസംബറില്‍ ഒരേ സമയം ഗ്ലോബല്‍ റിലീസിംഗ് നടത്തിയിരുന്നു.
റിപ്പബ്ലിക്ക് ഡേ ആഴ്ചാവസാനത്തില്‍ സ്ട്രീറ്റ്‌ലൈറ്റ്‌സിനൊപ്പം തന്നെയാണ് പ്രണവ് മോഹന്‍ലാല്‍ നായകനായെത്തുന്ന ആദി റിലീസ് ചെയ്യുന്നത്. സംഗീതസംവിധായകനായാണ് ചിത്രത്തില്‍ പ്രണവ് എത്തുന്നത്. ജിത്തുജോസഫ് ഒരുക്കുന്ന ചിത്രത്തില്‍ അനുശ്രീ,അതിഥി എന്നിവരും ഉണ്ട്. സസ്‌പെന്‍സ് ത്രില്ലറായാണ് ചിത്രം ഒരുക്കിയിരിക്കുന്നത്.
