മമ്മൂട്ടിയുടേതായി ഒട്ടേറെ ചിത്രങ്ങള്‍ അണിയറയില്‍ ഒരുങ്ങുന്നുണ്ട്. എന്നിരുന്നാലും മമ്മൂട്ടി ഫാന്‍സെല്ലാം ഒരുപോലെ കാത്തിരിക്കുന്ന ചിത്രം അജയ് വാസുദേവന്‍ ഒരുക്കുന്ന മാസ്റ്റര്‍ പീസ് ആണ്. എന്നാല്‍ അതിനുപകരം തിയേറ്ററിലേക്ക് ആദ്യമെത്തുക സിനിമാറ്റോഗ്രാഫര്‍ ശ്യാം ദത്ത് സംവിധായകനാകുന്ന സ്ട്രീറ്റ്‌ലൈറ്റ് ആയിരിക്കും എന്നാണ് റിപ്പോര്‍ട്ടുകള്‍.
ഡ്രാമത്രില്ലര്‍ ആയി ഒരുക്കിയിരിക്കുന്ന ചിത്രത്തില്‍ മമ്മൂട്ടി പോലീസ് ഓഫീസറായാണെത്തുന്നത്. മഹേഷിന്റെ പ്രതികാരം ഫെയിം ലിജോമോളും ചിത്രത്തിലുണ്ട്. തമിഴിലും മലയാളത്തിലുമായാണ് ചിത്രം ഒരുക്കിയിരിക്കുന്നത്.
മമ്മൂട്ടി ഇപ്പോള്‍ വയനാടില്‍ അങ്കിള്‍ എന്ന ചിത്രത്തിന്റെ ലൊക്കേഷനിലാണ്. അടുത്തതായി പരോള്‍ എന്ന ചിത്രവും ഉണ്ട്. രാം ഒരുക്കുന്ന പേരന്‍പ് എന്ന ചിത്രവും റിലീസിംഗിനായി ഒരുങ്ങുന്നുണ്ട്.
